Mipui tlawh theihin Sahuan hawng

Aizawl, the 4th October 2021: Sorkar thuchhuak, Disaster Manangement & Rehabilitation Department lehkha-in a tarlan angin Ni 03/10/2021 atanga Ni 16/10/2021 thlenga AMC area chhunga inkaihruaina a siam angin, Aizawl Zoological Park pawh hemi hun chhung hian mipuite tlawh theiha hawn a ni.




Sahuan tlawh turten a hnuaia inkaihhruaina hi zawm ngei turin kan in hriattir a ni.
1. Sorkar thuchhuak dinglai angin Covid Appropriate Behaviour uluk taka vawn tlat tur a ni.
2. Sahuan tlawh turten Face Mask vuahin Sanitizer an pai vek tur a ni.
3. A huho va tam tham tak inthuruala kal loh hram tur a ni.
4. Sahuana ramsate hnaihchilh leh chhaih nawmnahte, ei tur pekte phal loh a ni.
5. Sahuan chhungah bengchheng siam loh tur a ni.
6. Bawlhhlawh a bawmah chauh paih tur a ni.
7. Ruihtheih thil, zum leh hriam, puak thei thil, music box te ken loh tur a ni.
8. Tlai lam 4:00 PM hnu lamah sahuan chhungah tumah awm khawtlai loh tur a ni.

Sahuan hawn hun leh a kaihhnawih
1. Nitin zing Dar 9:30 AM atanga tlai lam Dar 4:00 PM thlengin
2. Sunday chhun Dar 12:00 AM atanga tlai lam Dar 4:00 thlengin
3. Monday apiangin Sahuan khar a ni ang.
4. Tlai lam 3:00 PM hnu lamah ticket pek chhuah a ni lovang.
5. Entry ticket hi a hmunah lak chawp tur a ni.

Fees
1. Adult entry fee - Rs. 20/-
2. Children (below 10 yrs) - Free
3. Still camera - Rs. 50/-
4. Video camera - Rs. 100/-
5. Two wheeler parking fee - Rs. 10/-
6. LMV parking fee - Rs. 20/-
7. HMV parking fee - Rs. 50/-

Post a Comment

0 Comments