Aizawl | October 22, 2021: Tuirial biala ZPM official candidate Pu Laltlanmawia chuan a bial chhûnga cheng tam zawkte chu kut hnathawk an nih avângin, thlan tlin a nih chuan kut hnathawktute a ngaih pawimawh tur thu a sawi a, feh kawng (link road) leh lui dunga inkalpawhna-te, tui dahkhâwlna (reservoir) lian tham siamte a ngaih pawimawh tur thu a sawi.
Pu Tlanmawia chuan a bial chhûnga lui luangte chu chhawr thiam chuan, kut hnathawktute thlai thar leh sum lâkluhna nasa taka tipungtu a nih theih thu a sawi a, chutiang tur chuan a bial chhûnga khaw hrang hrangin awlsam zawka lui an pawh theihna tur kawng siam a ṭul thu sawiin, a bial chhunga khaw hrang hrangin an bial chhunga lui luang heng :- Tuirial, Serlui Tuichhuahen, Tlawng, Chem lui leh Ṭialpui-te chu awlsam zawka an pawhna tur kawng laih a nih tur thu a sawi.
Hetih rual hian, politics a luh hma aṭang tawhin, agricultural link road laih chu a ngaih pawimawh a nih avângin Pu Laltlanmawia hian, Tuirial bialah hian hma a lo la nual tawh a, inthlan hmaa bial chhung hmun hrang hranga agricultural link road a lo laih mêkte pawh inthlan boruakin a phuar avângin a lai chhunzawm thei lova, laih chhunzawm thuai a nih tur thu Pu Laltlanmawia chuan a sawi a, kuthnathawktute hmakhua a ngaih avângin link road a laih mek tam tak phei chu, "Ka tling emaw tling lo emaw ka laih chhunzawm dawn tho a ni", a ti.
Post a Comment
He post chungchanga i ngaihdan lo sawi ve rawh: