Aizawl | October 12, 2021: Media production team la tharlâm tak KingPin's Production chuan 'Thawnthu Tawp Thei Lo tur' tih hla hmanga Siampuii Ralte music video an produce sak hnuah Artiste thar nen music video thar tur an buaipui leh mek.
May thlaa Parmawi hla phuah 'Duhthusam Duham' chu instagram leh YouTube lama a zai lo dah ve tawh thin Clementine Fanai chuan sain recording an tihfel hnuah nimin October 11 khan shooting an ṭan.
He music video ah hian a artiste hi a inlan dawn lo va, music video danga kan hmuh fo angin changtunu leh changtupa an awm dawn a, chumi atan chuan la inpho chhuak tam lo tak Ruatpuia leh Lawmzuali Pachuau te an rawn inlan dawn.
'Duhthusam Duham' hla hi a phuahtu Parmawi chuan "A bik takin ṭhalai, mahni ngaihzawng thihna avanga chân tawhte'n an duh zualin ka ring," a ti a, " A bâk chu a hla a lo chhuah hunah a ngaithlatute a zirin a mawiin a mawi lo thei bawk" a ti.
He music video hi tunlai music video hrang hranga a kut chhuak kan lo hmuh fo tawh videographer la tharlâm tak Anthony WoWv kutchhuak a ni leh dawn a, tin music hi ṭhalaite a zai leh rimawi hmanga lo âwi fo tawhtu JT Production in a khawih a, recording hi H Production in tiin mixing hi LD Ralte a ni thung.
"Thawnthu Tawp Thei Lo Tur ang tho khan 'Duhthusam Duham' hi ngaihzawng bikte tan chauha hlan theih tur chi hla a ni hran lo a. Khawvela kan hmangaih ber ber kan nu leh pa, kan unaute leh kan thiante tan thlenga hlan theih tur chi hla a ni." tiin hla phuahtu Parmawi chuan a sawi bawk.
Post a Comment
He post chungchanga i ngaihdan lo sawi ve rawh: