Contract nei lai zah lova mi dang thawhpui anga puhna Sangtea'n sawifiah; heihi thu diklo niin thu dik a fiahna nen sawi mai tha ka ti - Sangtea Tlau

Aizawl | October 22, 2021:   Contract nei lai zah lova midang thawhpui anga puhna leng-ah Mizoram Boxer Lalrinsanga Tlau (Sangtea Tlau) a tawng chhuak a, "thu diklo niin thu dik a fiahna nen sawi mai tha ka ti a ni," a ti.


Sangtea Tlau chuan,  "Sete Boxing Academy nen agreement ka tihtawp hnuah kan hmakhua uluk takin ka ngaihtuah a, Grassroot Boxing Promotion ka thawhpui ta a ni." a ti bawk.

Sangtea Tlau-in social media-a a post chu:
Tunhnaiah Contract nei lai zah lova mi dang thawhpui anga min puh thu a leng niin ka hria a, heihi thu diklo niin thu dik a fiahna nen sawi mai tha ka ti a ni.

Kum 2020 March thla khan Sete Boxing Academy nen inremna thuthlung "Agreement" ziakin kan nei a. Chhan hrang hrang avangin he inremna hi Ni 20 August 2021 khan tih tawp nin kan "Termination of Agreement" pawh ziaka dah vek a ni. Sete Boxing Academy nen agreement ka ti-htawp hnuah kan hmakhua uluk takin ka ngaihtuah a, Grassroot Boxing Promotion ka thawhpui ta a ni.

Kei chu boxing ring chhunga chet mai hi tha ka ti a, hetianga thudik sawi chhuah a ngai ta hi zialo ka ti hle a. MM tawngtaipui a, min thlawp tlat turin ka ngen a the u. 

Date: 22 Oct 2021                                              (LALRINSANGA) 






Post a Comment

0 Comments