Aizawl | September 24, 2021: Mizoram pollution control board (MPCB) chairman thar R. Thanga'n nimin khan Environment, forest & climate change principal secretary hnenah MPCB chairman a nihna atanga banna a thehlut.
MPCB Chairman in banna a thehluh chhan hi he hna a tana lak/ruat danah sawiselna a awm vang a ni.
Mizoram sorkarin Mizoram Polution Control Board Chairman atana a ruat, Pu R.Thanga chu nimin khan a inhnukdawk.
MJS Rtd Pu R.Thanga hi August ni 3 khan MPCB Chairman atana ruat a ni a. Vawiina Environment & Climate Change Principal Secretary hnena banna a thehluh ah hian Pu R.Thanga hian MPCB Chairman ruat a nih chungchangah thu inchuh a awm avangin sorkarin dik taka a rêl theihna tur a nih avangin banna hi thehlut a ni tih a tarlang a. August ni 9-a MPCB hna hi a zawm thu a tarlang tel bawk. Pu R.Thanga MPCB Chairman-a ruat a nih thu hi tun thla tira Assembly session-ah pawh khan Congress MLA, Pu Lalrindika Ralte leh ZPM Legislature Party Leader, Pu Lalduhoma ten an lo sawi chhuak tawh a. Zirlai pawl, Mizo Student Union chuan nimin piah khan thuchhuah siamin Pu R.Thanga hi Dân ang taka ruat a ni lo nia sawiin, tun thla ni 24 aia hmaa bang tura an duh thu an lo sawi tawh bawk a ni.
Post a Comment
He post chungchanga i ngaihdan lo sawi ve rawh: