Aizawl | September 24, 2021: Mizoram Chemist & Druggist Association (MC&DA) chuan nimin khan MZP general headquarters, Aizawl-ah Burma atanga kan Mizo unau raltlan te lo chhawmdawlna turin Damdawi chi hrang hrang Case 46, Rs Nuai 10 chuang man hu an pe.
Mizoram Chemist & Druggist Association (MC&DA) president R Thanglura chuan Thusawiin kan unau raltlante tanpuina tura an luangchhuak thei chu lawmawm an tih thu pawl aiawhin a sawi.
MZP Gen. Hqtrs president B Vanlaltana chuan, kan unau Myanmar atanga himna zawnga rawn raltlante chhawmdawlna kawngah Mizo te inlungrualna chuan rah tha a chhuah zel a beisei thu a sawi a, nakin zelah pawh thawhho puiah Mizoram Chemist & Druggist Association (MC&DA) te chu a sawm a ni.
Mizoram Chemist & Druggist Association (MC&DA) te hian All India Organisation of Chemist & Druggist Association (AIOCD) leh Northeast Zone-ah Affiliation fel tak neiin tunhnaiah ringawt pawh heng pawl pali ; Medical Operational Team (MOT), People United In Music with a Purpose (PUMP), Indian Medical Association (IMA) leh MZP kaltlangin a mamawhte tan an lo luangchhuak tawh a ni.
Post a Comment
He post chungchanga i ngaihdan lo sawi ve rawh: