Lungleia tualthahnaa mawhphurtu man tawh!

Aizawl | September 8, 2021: Lunglei khawpuia tualthahna thlenga inhnamhnawih, tualthatu nia rinhlelh chu vawiin khan man a ni tawh niin Police thuchhuah chuan a tarlang.


September ni 6, 2021 (Thawhtanni)  zana Pi Vanlalduati rawng taka thattu ni a hriat,  Lalchawimawia Kum 24, Piangthiauva Thahan F Group,  Myanmar,  Mizoramah Thangte khuaa mi ina awm chu vawiin khan Lunglei Police ten a thlenna Lunglei Luangmualah an man.  

Special Investigation team ten press mite an hrilh danin,  Pi Duati thattu hi inpuang rih lo mahse,  Evidence  nei tha thawkhatah an inngai tih an sawi.  

Lalchawimawia hian a chemte chu a scooty seat hnuaia a dah,  a bo tawh niin Police te hnenah hian a sawi.  

Police te chuan he thubuai chhui chhuahna kawngah khua leh tui tha,  mawhphurhna hlen mi an awm vang a ni tiin lawmawm an tih thu an sawi. 

Police Publice Relation Officer Albert Lalnunpuia thuchhuah chuan a hnuaia mi ang hian a tarlang;
Pi K. Vanlalduati kum (52) Chanmari-II, Lunglei rawng taka thah a nih chungchang-ah Lunglei Police hnuaia Special Investigation Team (SIT) te chuan tualthattu hi an chhui chhuak tawh a. Amah hi Lalchawimawia (24) S/o Piangthiauva, Tahan F group Myanmar niin, Thangte khua a, mi ina khawsa mek a ni.
 
Special Investigation Team hian mi rinawm tak hnen atangin tualthahna hmanrua (Chemte) hi Lalchawimawia pai thin niin thu a dawng a, amah hi Luangmual, Lunglei-ah a awm tih hriat a ni bawk a, he thudawn bawhzui hian Special Investigation Team chuan a thleninah Lalchawimawia hi zu man nghalin thu zawhfiah a ni a, vawiin ni vek khan Lalchawimawia hi Court lamah thawn niin. Lunglei District Jail-ah dah luh nghal a ni.

Special Investigation Team hian investigation a hmabak la awm a, chak takin a bawhzui dawn a, tun thlenga mipui tawiawmna avangin lawmthu a sawi a, a tulna apianga Police-te tawiawm zet turin a sawm bawk a ni. 




Post a Comment

He post chungchanga i ngaihdan lo sawi ve rawh:

Previous Post Next Post