Lunglei-ah Sumo Counter nghaktu misual kut tuarin thi!

Aizawl | September 6, 2021: Lungleia Sumo Counter, Duati Counter, BCM Biak In Chanmari, Lunglei Opposite ami nghaktu K Vanlalduati (Duati), chu zanin Dar 7 pelh hlekah khan misual tu tih hriat lohin counter chhunga amah chauha a awm lai vitin,  Ka chhawn lovin a boral.



Duati vit tu hi a tlanchhe lai hmutu an awm nia sawi a ni a.  Thu chiang nghah mek a ni.

Duati vittu hian pawisa laksak tumin a counter-ah a luh chilh a, Chemte in a vit a. A hliam tuar lovin a boral ta nia thu dawn a ni.

Duati Counter atang hian Lunglei to Lawngtlai sumo a chhuak/tlan thin nia thu dawn a ni.

Thudawn danin Duati hi hmun 3 velah misual hian a vit a, amah hi tunge anih tih tunah hriat theih mai a la ni lo va. Police lam ten theihtawp chhuahin pawikhawihtu chhui hna an thawk nghal a ni. 

Kut a thlakna chemte hi a ruang bulah a la awm nia thu dawn a ni.

Duati ruang hi Civil hoapital lamah lak a ni a, thil tihfel ngai leh buaipui ngai te buaipui niin naktuk Dt. 7.9.2021 chhun dar 12-ah an chenna in, Chanmari-ah vui a ni ang.
Duati hi mifel leh mite ngainat hlawh tak, Maxicab driver leh amah dawrtu te pawhin biak nuam leh fel an tih em em thin a ni.

10:20 PM:
Social media a thu darh:
Patea(Duati awmpui)leh kan YMA hruaitute hnen aṭanga thu hriat dan nia socia media a thu darh chu-----
Nunna chan ta Duati te hian Patea, Thingfal khua an awmpui a. Patea hi an sumo counter ah a chhawr bawk.
Tichuan, zanin tlai thim hlim ah khan Lawngtlai Sumo rawn thleng tlai  tur a awm avangin dawr an khar har deuh a.

Sumo rawn thleng tlai tur a awm avangin Duati chuan Skylab hnuai a Hnamte Restaurant ah a chaw ei tur a va order sak a.

Tichuan, a dawr ah a let leh hnuah chuan an nau Patea leh Sumo driver pakhat (Lawngtlai aṭanga lo thleng a nih leh nih loh ka hre chiang ta lo) chu AOC ah an han kal a.
An haw leh chuan Duati dawr chu chhung lamah a lo in kalh a.

Kawngka an han pawt hawng chu mi pakhat a rawn zuang chhuak thut a. A tlan chhe ta nghal a.

BDO quarter kawng chhuk lamah a tlan thla a, t-shirt ban bul ; chhawhchhi pawlh a ha a. Pa te lampang a ni e a ti a.


Post a Comment

2 Comments

He post chungchanga i ngaihdan lo sawi ve rawh: