Aizawl | September 6, 2021: Lunglawn Thalaite chuan chhim bial tana Lunglei-ah RTPCR bun a nih vat theih nana hma lakpui turin an bialtu MLA an ngen.
An bialtu MLA, Lunglei South bialtu MLA Dr K Pachhunga chu he thilah hian hma la turin pangchang takin an ngen niin Lunglawn Thalai chuan an tarlang.
Lunglawn Thalai Thuchhuah:
Lunglawn Ṭhalaite
Dt.06.09.2021
Thawhṭanni
Hripuiin kan veng mai ni lo a bîkin chhim bial mipuite min nuai a, chumi ti punlun tur chuan RAgT khawl hmanga result diklo awm fo te hian khawl dang kan mamawh em em a ni tih a tichiang a ni. Tin, RTPCR khawl hi Lungleia bun ngei anih theih nan Lunglawn Ṭhalaite hian Bialtu MLA zahawm tak hian hma min lakpui se tiin pangchang takin kan ngen a ni.
ICMR in Advisory(Newer additional strategies for Covid-19 testing) dt 23.06.2021 a tihchhuah hian Real time RTPCR covid testing rintlak zia leh, vawikhata sample 90 run thei anihna leh, darkar 4-5 lek chhunga result pechhuak thei hi a theihna hmun apianga hman tura advise a pek te hian, RTPCR kan mamawh zia leh, tun dinhmuna test result ni 4/5 kan nghak thin a tihreh beiseina nen he RTPCR khawl hi kan ngen a ni.
The Gauhati High Court thupêk (as on 16.06.2021) angin RTPCR khâwl hi kan mamawhna avangin bun ngei anih theih nân hma min lâkpui ngei kan duh a ni.
Hemi chung changah hian party inbeihna te, mimal inbeihna a awm lova, mipuite ṭap leh lungngaite hma khua atan leh Chhim mipuite tana ding kan ni. Tin, kan hmalakna ah hian min tibuaia he khawtlang mamawhna hre lova min vau titih tu an awm fo hi pawi kan ti a, nâ kan ti hle a ni.
Kan MLA zahawm tak inhnuai building a kan banner tar pawh Party pakhat hruaitu te'n min lakthlâk sak a, zialo kan ti a, pangchang taka kan 'pa' kan bêl hi kan tisual em ni kan ti a ni!
High Court ngei pawhin RTPCR khâwl hi buna hmala tura thupêk a chhuah tawh ang khân a rang thei ang bera hma min laksak a, kan tân ÂW min neihsak a, Lunglei mipuite min bun sak turin kan ngen a ni.
Issued by:
Lunglawn Ṭhalaite
Post a Comment
He post chungchanga i ngaihdan lo sawi ve rawh: