Lawngtlaiah Fisheries Department-in SEDP atangin sangha chi an sem

Aizawl | September 2, 2021: Vawiin khan Fisheries Department, Lawngtlai District chuan Lawngtlai Circle huam chhunga sangha dil siamtu beneficiary-te hnenah Socio-Economic Development Policy (SEDP) atanga an dawn sangha chi nuai khat an sem chhuak.


Vawiina sangha chi an sem chhuah hi common carp, mrigal leh grass carp (Indian major carp leh exotic carp) te a ni a. Sangha chi hi beneficiary-te hnenah 70% subsidy-a pek niin, pakhat ? 1.50 zelin pek chhuah a ni.


Lawngtlai District Fisheries Development Office chuan Lawngtlai District-a sangha dil siamtute tan SEDP atang hian sangha chi nuai thum an dawng a. Nuai khat hi Lawngtlaiah sem hmasak phawt niin, a bak hi chawlhkar hnih hnu velah Chawngte Circle leh Sangau Circle lamah nuai khat ve vein sem leh tura ruahman a ni.

Post a Comment

0 Comments