COVID-19 | Sawrkarin hripui vanga thite zangnadawmna cheng singnga pe dawn

# Inkaihhruaina hriattur leh zawm tur pawimawhte

Aizawl | September 28, 2021: Mizoram Sawkar chuan Supreme Court leh National Disaster Management Authority lehkha bawhzuiin, Covid-19 vanga thi te zangnadawmna (Ex- gratia assistance) pek dan turin a ruahman a. Ex-gratia dilna leh pek dan tur  inkaihhruaina sawrkarin a tichhuak.


Pu Lalnunmawia Chuaungo, Chief Secretary, Chairman, State Executive Committee, Mizoram State Disaster Management Authority ni bawk chuan COVID-19 vanga nunna chante zangnadawmna (ex-gratia) pek dan tur leh a dil tute tana inkaihhruaina a hnuaia tarlan ang hian thupek a chhuah :



Mizoram Sawkar chuan Supreme Court order dated 30.06.2021 leh National Disaster Management Authority lehkha No.16/ 11/2021-RR.dated 11.09.2021 bawhzuiin, Covid-19 vanga thi te zangnadawmna (Ex- gratia assistance) pek dan tur a ruahman a. Ex-gratia dilna leh pek dan tur chu a hnuaia inkaihhruaina tarlan ang hian kalpui tur a ni.

1. Ex-gratia hi Covid- 19 vanga thi te laina hnai (next of kin) tan chauh dil theih a ni.

2. Covid-19 vanga thi an awmin, an laina hnai (next of kin) ten zangnadawmna (ex-gratia) Ra. 50,000/- (sing nga) an dil thei ang.

3. Ex-gratia hi COVID-19 vanga thi, mi pakhat tan zel Rs. 50,000/- (cheng sing nga) pek theih a ni.

4. He sum hi State Sawkar-in State Disaster Relief Fund (SDRF) atangin a pe ang.

5. Diltu chuan mitthi laina hnai (next of kin) a ni ngei ani tihchianna, mitthi chenna veng/khua local council/village council hriatpuina lehkha a nei tur a ni.

6. Ex-gratia hi State Sawkar in dilna form a duan sa, annexure a mi hmangin District Disaster Management Authority (DDMA)/ Deputy Commissioner (DC) hnenah thehluh tur a ni. Dilna formah hian Covid- 19 vanga thi ani ngei a ni tih tarlanna ‘Death Certificate’ thil tel tur a ni.

7. Death Certificate chungchanga hriatchian tawk loh emaw vuivaina a nei a nih chuan Covid-19 vanga thi chen thinna District Deputy Commissioner hnenah thlen tur a ni.

8.  Mizorama cheng nghet (permanent resident) Covid-19 avanga Mizoram pawna thi te laina hnai (next of kin) ten mitthi chen  thinna  District Deputy Commissioner hnenah dilna an thehlut thei ang.

Ex-gratia dilna Form: Ex gratia dilna form.pdf



COVID-19 VANGA NUNNA CHAN CHHUNGTE HNENAH ZANGNADAWMNA PEK CHUNGCHANGA DM&R DEPARTMENT THUCHHUAH

Disaster Management & Rehabilitation Department, Government of Mizoram chuan COVID-19 vanga nunna chan chhungte hnena zangnadawmna (ex-gratia) pek chungchangah a hnuaia tarlan ang hian inkaihhruaina zawm tur thuchhuah an siam .

Supreme Court thuchhuak ang leh National Disaster Management Authority (NDMA) leh Ministry of Health & Family Welfare-in inkaihhruaina a siam angin Mizoram Sawrkar chuan Covid-19 vanga nunna chan chhungte (next of kin) tan zangnadawmna (ex-gratia) Rs. 50,000/- (Sing nga) a pe dawn a. Zangnadawmna (Ex-gratia) dil turte chuan a hnuaia tarlan te hi an zawm tur a ni.

1.Covid- 19 vanga thi chhungte chuan an chenna district-a Deputy Commissioner (DC) hnenah ex-gratia dilna, Sawrkar form siamsa hmangin an thehlut tur a ni.

2. Ex-gratia diltu chuan an chhung thi ta chu Covid- 19 vanga thi a ni ngei a ni tih tarlanna ‘Death Certificate’ a hnuaia tarlan ang hi an thil tel tur a ni:

i) Damdawiin a thi tan Form 4
ii) Damdawiin pawn lama thi tan Form 4A
iii) Form 4 emaw 4A nei remchang lo tan Covid- 19 Death Ascertaining Committee (CDAC)-te pawmpui certificate.

3. Death Certificate chungchang emaw mitthi thih chhan chungchangah harsatna nei an awm chuan an chenna district-a Deputy Commissioner Office-ah, Covid- 19 Death Ascertaining Committee (CDAC)-te ngaihtuah turin ziakin complain an thlen thei ang.

4. Mizoram-a cheng nghet (permanent resident), State pawna Covid- 19 vanga boral chhungte pawh in document tul te thil telin an dil thei ang.

Post a Comment

0 Comments