COVID-19 | Chawngtlai khua restricted area-ah puang

Aizawl | September 3, 2021: Tunhnaiah Khawzawl District chhungah Covid-19 positive hmuhchhuah belh zel niin, veng/khaw thenkhatte chu an dinhmun zirchian a nih hnuah Covid-19 hrileng darh zel tur venna atan inkhuahkhirhna khauh zawk kalpui a ngai tih hriat a ni.


Chawngtlai khuaa Covid-19 hrileng inkaidarh zel tur ven nan Pu C.C Lalchhuangkima, Deputy Commissioner & Chairman, District Disaster Management Authority Khawzawl District chuan Section 34 (b) leh 34 (c) of the Disaster Management Act, 2005 tlawhchhanin Chawngtlai khua chu September ni 3, 2021 atanga thu leh awm hma Restricted Area-ah a puang.


Restricted Area-ah hian a hnuaia tarlan inkhuahkhirhnate hi zawm ngei ngei tur a ni:

1. Tumahin mahni in/compound an chhuahsan tur a ni lova, lirthei hmanga veivah pawh khap a ni. Loh theih loha pawn chhuah leh veivah ngaite chuan VLTF phalna an la hmasa tur a ni.

2. Restricted Area-a luh leh chhuah khap tlat a ni. Loh theih loha luh leh chhuah ngaite chuan Village Level Task Force (VLTF) hriatpuina la hmasain Deputy Commissioner hnenah phalna dil tur a ni. Hei hian Magistrate, Zonal Officer, Medical duty, Security duty, VLTF duty, Essential service hna thawktute leh Restricted Area paltlang tur motor-te chu a huam lo ang.

3. Hemi hunchhung hian Restricted Area-a dawr/bazar leh office-te chu khar tur a ni.

4. Restricted Area chhunga miten ei leh in leh nitin mamawh chungchanga harsatna an tawh loh nan, VLTF ten uluk taka an dinhmun thlir chungin eichawp dawr leh bazar hawn chungchangah ruahmanna an siam ang.

5. VLTF te leh Restricted Area-a khawsa, harsatna leh mamawh neite chuan bialtu Zonal Officer/Incident Commander tarlante hnenah an thlen ang.

Incident Commander turin Khawzawl District Bawrhsap chuan a hnuaia mi te hi a ruat:

1. Pu F. Lalbiakzauva, Deputy Commandant,
2nd IR Battalion. Phone: 9862330565

2. Pu Biakchungnunga, Accounts Manager, DRDA Khawzawl. Phone: 8794715060

Restricted Area-a Chawngtlai khua puan a nih tak avangin Khawzawl DC Office kaltlanga Chawngtlai khuaa kohhran inkhawm phalna (22.08.2021) leh School hawn phalna (19.08.2021) pek tawhte chu vawiin atangin sut nghal a ni bawk.

Post a Comment

0 Comments