Chief Minister hovin Mizoram State Health Care Society governing body thukhawm; MSHCS policy period kal mek kum chanvein pawtsei

Aizawl | September 28, 2021: Vawiin khan Chief Minister Pu Zoramthanga hovin Mizoram State Health Care Society (MSHCS) Governing Body meeting vawi 25-na chu CM Conference Hall-ah neih a ni.




He meeting-ah hian MSHCS policy period chungchang sawiho a ni a. Inenkawlna sum bill pek chungchangah a awlsam zawk nan MSGCS leh RSBY leh a thlakna AB PM-JAY chu policy period inang a kalpui thin niin, October atanga a kum leh September thleng, thla 12 chhung period a ni thin a. Tun hnaiah sawrkar laipuiin AB PM-JAY policy period chu sawrkar kum chhiar dan angin April atanga a kum leh March thla thleng turin a thlak ta a.

Hemi anih avang hian MSHCS policy period pawh AB PM-JAY nena inzul turin, tuna hman mek chu kum chanve chhung atan pawhsei ni se tiin vawiin Governing Body thukhawm chuan an rel a. Kum chanve chhung - October 2021 atanga March 2022 thleng tuna policy hman mek chu pawtsei a, member lo ni tawh/ lo in enroll tawh tan kum khat atan ni lovin kum chanve tan premium pek ni se tiin rel a ni a; lo la inziaklut ve lo tan pawh inziahluh theih nan ruahmanna siam an rel. Hripui leng avanga ngawrh taka enrollment kalpui chungchang harsatna te pawh sawiho niin, hemi chungchangah hian him zawka ruahmanna siam ngaihtuah ni se tih a ni

Vawiin meeting-ah hian Governing Body permanent member atan Planning and Programme Implementation Department Secretary leh Principal Adviser te chu lak ni se tiin an rel bawk.

Health & Family Welfare Minister Dr. R. Lalthangliana, Health & Family Welfare Development Board Vice-Chairman Chairmam Dr. Z.R. Thiamsanga, Chief Secretary Pu Lalnunmawia Chuaungo, Health Secretary Pu R. Lalramnghaka, Programme Implementation Department Secretary Pu Lalmalsawma Pachuau leh member dangte an tel a ni.

Post a Comment

0 Comments