Boxer NT Lalbiakkima'n Boxing chawlhsan a tum?

"Chhungkua harsatna vangin official takin boxing ka chawlhsan a ni tih ka puang e" - NT Biakkima

Aizawl | September 12, 2021: Mizo Boxer chhuanawm NT Lalbiakkima chuan zanin khan Instagram story-ah 'chhungkaw harsatna vanga boxing a chawlhsan tur thu' a tarlang.

EXPLORE MIZORAM hi mi dang i lo hmelhriattir zel dawn nia

NT chuan IG story ah, "chhungkua harsatna vangin official takin boxing ka chawlhsan a ni tih ka puang e, Min lo tan thintute leh min hmangaih thintute chungah Pathian hmingin lawmthu ka sawi tak meuh meuh e," tiin a tarlang a ni.

NT hi EXPLORE MIZORAM chuan call-in biak kan tum a, mahse, a call hi a la thei lo a ni.

Mizoram fachuam hian harsatna a tawk em ni? Eng vanga heti teh thuta bansan tum mai nge ni ang tih hi hriat theih a ni rih lo!

"NT hian fiamthu a thawh emni dawn le? Amah enkawltu, sum tam tak senga buaipuitu Dr. Lalmuanpuia chuan, mi fiamthu duh tak a nih thu sawiin, a fiamthu thawh dan a fuh chiah lo nia a rin thu a sawi," tiin Vanneihthanga Vanchhawng chuan IG-ah post siamin a tarlang bawk.

NT Lalbiakkima hian Professional boxing a luhchilh duh vangin Indian Navy a chhuahsan a, a tumruhna leh thawhrimna thalaite entawn leh en rawn a nih mek laia hetia boruak a awm ta mai hi chhan tha tak a awm ngei ringtu an tam hle a ni.