Aizawl | August 24, 2021: Zoram Peoples Movement ZPM Party President Pu Lalliansawta’n taksa lamah harsatna a neih avangin a theih loh chhunga a aiawh tur Working President atan Pu K. Sapdanga ruat a ni.
ZPM hotute sawi danin ZPM President Pu Lalliansawta hian hun engemaw chen taksa lamah harsatna a neih avang leh tunah a taksa a la chak tawk loh avangin ZPM thuneitu sang chuan Working President neih tha a ti a. Working President ruat turin Val Upa Council (VUC) –ah ngenna thlenin Pu K Sapdanga hi ruat a ni ta ni.
ZPM Leader Pu Lalduhoma chuan an party hmalam hunt hlirin Working President neih a tulzia party thuneitu sang PAC-ah thlen a nih thu a sawi a. Pu K. Sapdanga chu an President theih loh hlana hneh taka lo kaihruaitu a nih thu sawiin, AMC inthlante, Serchhip By-Election te a kaihhruaina hnuaiah hneh takin an lo hmachhawn tawh tih a sawi.
Post a Comment
He post chungchanga i ngaihdan lo sawi ve rawh: