KAN NATNATE PATHIANIN LA KIANG LO MAH SE

 - Rick Warren

- 24 August, 2021



"Chumi chungchang thuah chuan mi kiansan theih nan Lalpa chu vawi thum ka dil a. Tin, ani chuan ka hnenah, “Ka khawngaihna i tan a tawk e; ka thiltihtheihna hi chak lohnaah asin tihfamkimin a awm ni,” a ti ta a. Chutichuan, Krista thiltihtheihna chu ka chunga a awm theih nan, lawm em emin ka chak lohnate hi ka chhuang tawh zawk ang. Chuvangin … ka chak loh apiangin a ni ka chak ṭhin ni". 2 Korinth 12:8-10.

Thluak lam fel lo deuh saa piang ka ni a. Chumi avang chuan mipui hmaa thusawi te harsa ka ti ṭhin a. A bik takin ka thluak hi a sain a ti rang zual ṭhinin ka hriaa, ka taksaah kawng hrang hrangin harsatna min siam ṭhin. Kum 50 chhung chu, nitin damna duhin Pathian ka dil ṭhin. Chuta chhanna ka dawn chu, “Ka khawngaihna i tan a tawk e” tih hi a ni. Pathian chuan kan taksaa natna hrehawm tak kan tawrh te a hmanga, chung te chuan nun dan leh amaha innghah dan te min lo zirtir ṭhin a ni.

Ṭawngṭaia ka thlen tam ber chu Pathianin min lak kiansak a rem ti lova. Mahsa Joba angin, “Mi tihlum hial mah sela, amah chu ka nghak cheu vang; mahse, a hmaah ka kawng chu ka ṭan ang” ka ti thei ta a ni. Joba 13:15

Tirhkoh Paula ngei pawhin a ṭawngṭai chhanna zawng zawng a hmu vek bik lo a. A dika dik chuan, amah ngei pawhin “taksaa hling” a tih chu – a damchhunga a tawrh natna hrehawm tak a ni.

Chumi chungchang thuah chuan mi kiansan theih nan Lalpa chu vawi thum ka dil a. Tin, ani chuan ka hnenah, “Ka khawngaihna i tan a tawk e; ka thiltihtheihna hi chak lohnaah asin tihfamkimin a awm ni,” a ti ta a. Chutichuan, Krista thiltihtheihna chu ka chunga a awm theih nan, lawm em emin ka chak lohnate hi ka chhuang tawh zawk ang. Chuvangin … ka chak loh apiangin a ni ka chak ṭhin ni. 2 Korinth 12:8-10.

Ka nunnaa ka ṭawngṭaina ki dangah pawh Pathianin “aw” a ti ngai dawn lo a nih pawhin, kumkhuaa atana nun chu ka ba thova, nang pawhin i ba a ni. Pathian chuan ruamhmanna ṭha zawk, thlirna zau zawk leh tum ropui zawk a nei a ni.

I ṭawngṭai fo ṭhin chhanna chu i la hmu chuang lo em ni? Inneih te, naute thar neih te, hna lama kaisan te i duh mai thei e. Pathian chu thil engemaw i dil emaw natna benvawn i neih lak kiansak i dil emaw pawh a ni thei a. A nih loh vek pawhin i thil paltlang mek chu a lehpek pawh awm thei tawh chuang loah i ngai thei bawk e. 

Tuna i hun tawn mek chu a liam anga, mahse i chanchin chu a la tawp lo. I thil nghah mek chu eng pawh nise, Pathian chuan i ṭhatna turin a thawk a ni tih hi ring ngam ang che. I natna te pawh la kiang lo mahse, Pathianin a khawngaihna leh a thiltihtheihna a pek che anga i tuar zel thei ang. 

Han ngaihtuah la

I natna Pathianin la kiang se tia ila nghah reng eng nge ni? I nghah mek lai chuan Pathian leh nangma chungchangah eng nge zir chhuah i neih? 

Pathianin i damchhungin i ṭawngṭaina chu i duh danin a chhang dawn lo che tih lo hre ta la, chu ṭawngṭaina ngai reng chuan ila ṭawngṭai zel angem? Engvangin nge? 

Engvangin nge Pathianin i natna lak kian ai chuan a khawngaihna a tiam che?

Pathianin a angchhunga tel ve turin a duh che.

Bible chuan mi tumahin Pathian ropuina an chang zo tawh lo a ti a. Mahse Pathian chuan  sualin vak bo mah la a la hmangaih reng che a ni. A dika dik chuan, Pathianin a hmangaih em che avangin a fapa Isua chu i sualna tleng tur leh Pathian chhungkuaa i luh theihna turin a rawn tir a ni.  

Pathian chhungkuaa lut tura i inpeih a nih chuan hetiang hian ṭawngṭai rawh le. “Lalpa duh tak, ka thih hunah chuan ka nunna chu i hnenah a awm dawn tih ka hria a. I lakah thil ka lo ti suala, nangma duh dan ni lovin keima duh danin ka lo nung ṭhin a. Chu chu tunah hian inthlak danglama, bul ṭan thar ka duh a. Ka sualna te hi hawisana i hnen lam lo hawi ka duh a ni.  

“Isua chu mi zawng zawng aia thi tura i rawn tirh avangin ka lawma, ka thiltih sual te avanga hremna ka hmuh tur chu ka pumpelh phah a ni. Min ngaihdamna chu ka phu lo a ni tih ka hria. Lalpa, i khawngaihna chauh chuan min chhandam thei a ni tih ka hria. Famkimna hmuna tel tur chuan ka ṭhatna hian a tlin ngai dawn lo a ni tih ka hria.

“Isu, min hmangaih em avanga ka sualna te i inbel vek avangin ka lawm e. Vanrama lut ve tlakah min siama, chuvang chuan khawngaiha min chhanchhuak turin ka dil a che. Isu, ka ring che a. Min chhandamna chu vawilehkhatah, famkimin, chatuan thlengin min tiam angin a nih ka ring e. Isua hmingin ka dil e. Amen.”

[Lettu: Sangpuia]

Post a Comment

He post chungchanga i ngaihdan lo sawi ve rawh:

Previous Post Next Post