VAIRENGTE PAL TLANGA LIRTHEI LUT 105 AWM TAWH

Aizawl | August 8, 2021: Mizoram CID report in a tarlan danin vawiin chhun dar 12:00 thleng khan Mizoram ah Vairengte paltlang in lirthei 105 a lût tawh.


Lirthei lo lutte hi HMV -53, MMV-33, LMV -10 leh Oil tanker - 9 te niin a vaiin  105 a ni.

Police lam chuan an report hi check gate a an report niin a dik ngei niin an sawi tiin Rengkhawpui news chuan a tarlang.

Vairengte police hotute hnên atanga thu dawn danin nizan dar 9:30 atanga vawiin Dt 8.8.2021 chhun dar 12:00 thleng khan Vairengte Police check gate paltlanga lirthei lo lut hi 105 a awm tawh.

Tukin dar 8 atanga dar 10:45 chhung khan 16 lo lutin nizan dar 9:30 atanga tun dar 12 thlenga check gate paltlang a lirthei  lut 105 a awm tawh a ni. Vairengte Check Gate paltlang lirtheite hi Bungraw phur lirthei deuh vek an ni a,  hetihrual hian lirthei luh dan pângngai nen khaikhin chuan lirthei ala tam lo hle a ni.

- Rengkhawpui news





Post a Comment

0 Comments