Thanpuii emaw Puipuii tia hriat thin, Miss Faith 2017 leh Govt Zirtiri Residential Science College (GZRSC) Miss 2021 C Lalthanpuii hi CLT Tluanga leh Rohmingliani te fanu niin, August 8, 2000 khan a lo piang a. An chhungkua-in Republic Vengthlang, Aizawl-ah chengin an khawsa a, kohhran lamah chuan Presbyterian Kohhran a lawi an ni.
C Lalthanpuii te unau zat hi Pathum niin, u mipa leh nau mipa a nei a, a milai leh hmeichhe awmchhun a ni.
C Lalthanpuii'n Explore Mizoram zawhna a chhanna te i lo thlir ang hmiang!
📌 Zirna lam:
• Class X hi Rev. Saiaithanga Memorial School atangin 2017 khan ka pass a.
• Class XII hi Govt. Mizo Higher Secondary School atangin 2019 khan ka pass leh a.
• Tunah hian Govt. Zirtiri Residential Science College ah B.Sc Home Science 5th Semester ka zir mek a ni.
📌 Hobby: Poem / article ziah emaw phuah.
📌 I duhzawng leh ngainat zawng hrang hrangte:
• Lehkhabu duh: Milk and Honey - Rupi Kaur, Duhchhan - A thu a mawi, ka luangliam🙊
• Actor/Actress: Angelina Jolie
• Zaithiam: MLTR (Band ti mai ang aw, a mimal a zai ka ngaithla lutuk loa hehe)
• Chawhmeh: Alu (hne a har ber)
• Hla : 1) English: Extreme- More than words
2) Mizo: Peter C.Lalrinmawia- Kar hla thian
• Hmun: Reiek Tlang
• Rawng: Grey
• Ziaktu: RL Thanmawia
📌 Mize ngainat zawng: Mi dik, fiamthu duh, engkim sawipui theih mi.
📌 Mize ngainat loh zawng: Dawi sawi ching leh tawng tam deuh.
📌 Kawppui tura duhzawng?
- Mi rinawm, ka nih ang anga min zah thiam leh min ngaipawimawh tu.
📌 Relationship status: 🙊
📌 Aim in life: Lecturer
📌 Govt Zirtiri Residential Science College (GZRSC) Miss 2021 thlanna a tel chhan?
- Class represent a ngaih vang leh mahni in experience neih ve nan.
📌 Govt Zirtiri Residential Science College (GZRSC) Miss 2021 nih hi i inring reng em?
- Ring lem lo, ka elpui te kha an tha hlawm em a.
📌 Govt Zirtiri Residential Science College (GZRSC) Miss 2021 in i nuna nghawng a neih?
- A hma aiin keimah ka inringtawk zual a, mi mit fukna kan nih tawh avangin ka chin than tha lo te ka bansan a, keimaha a tha ber nih ka tum.
📌 Modelling lam hi i tui reng em?
- A hranpa em em chuan ka tui lova, mahse advertisement vela han tel veleh zeuh chang ka nei🙊
Zawhna dang:::
1. A tel lova i awm theih loh: Ka nu
2. I nun kaihruaitu: Bible
3. Hringnuna i hlauh ber: Ka chhungkua leh thiantha te chân.
4. I tih ngai miah loh tur: Ka nu leh pate kutthlak.
5. Mizo Tualzal nuna ṭha i tih: Chhiat that ni a kan inngaihpawimawh na hi.
6. Quote i duh ber: Que Sera Sera
7. Mizoram leh Mizo tualzal nuna Mizo hmeichhiate dinhmun:
- Hnam dang ai chuan keini Mizo hmeichhia te hi kan ramah hian kan dinhmun a tha ka ti a, hmanlai huna kan dinhmun kha kalpelin, zirna lam leh mahni tuina ang zawng pawhin kan dinhmun hi a sang thawkhat viau tawhin ka hria.
8. Hnam hmingṭhat leh hmingchhiat kawngah Hmeichhiate'n mawhphurhna:
- Hnam dang bula kan awmin kan rama kan nunphung hi chhawm nung ila, Mizo te tiha mawi lo kan hriat a pawimawh hle a, mahni chhia leh tha hriatna nena kan hnam kan humhalh a tulin ka hria.
9. Hnam ziarang chawinun kawnga Hmeichhiate mawhphurna:
- Kan rohlu, kan hnam thuam leh tlereuh kan neihte hi a nazawnga inbel leh siam danglam lova, thil hun bik nei leh ni pawimawh bika zahawm taka kan inbel hian kan hnam rohlu kan chawi nung zel ang.
10. Mizote tan 'Fa neih tlem' inzirtir hi a ṭulin i hria em?
- Mizote hi hnam lian leh tam em em ni lo mah ila hmun hran hranah kan inzar pharh ve nasa tawh em em a, fa neih tlem inzirtir lovin, kan hnam alo len zual zel nan 'nu' in a hriselna ngaichang reng chungin fa neih tam inzirtir zawk ila ka ti.
11. Mizo hnam ṭhanmawh bawk nia i hriat?
- Thalaite hi kan hnam hmel kan nih ang hian kan hma huna kan ram kalphung lo awm tur hi kan kuta innghat anih ang hian, thalaite hian duh aiin Social Media kan hmang nasa a, a tha lam aiin a tha lo lama hmang kan tam avang hian hei hi kan hnam thanmawh bawk niin ka hria.
12. Mizo hnam damna atana kawng awm nia i hriatte?
- Ram hruaitu tha neih leh mipuite'n thuawih taka ram hruaitute thu zawm.
13. Hnam chhan nana Hmeichhiate ṭangkaina leh mawhphurna?
- Hnamdang zinga fihlim tak leh zahawm taka nun hman.
14. Zirna, Khawtlang leh Kohhran hi?
- Kal kawp thei, tih kawp theih vek an ni a, zirna thlahthlam a khawtlang leh Kohhrana a kul a taia in hman erawh a tha ber lo.
15. Khawtlang, Kohhran leh nangmah:
- Ka theih ang tawk leh ka phak ang tawkin khawtlang leh Kohhranah inhmangin, chanvo min pek te ka ti hlawhtling thin a, ka zirna a tibuai dawn anih erawh chuan a chintawk hria in ka pha mai thin.
16. Social Media leh Nangmah:
- Social media hian nasa takin keimahah a tha lam leh chhe lam zawng pawhin nghawng a nei nasa a, ka rilru thlengin a chhe lam zawng pawhin nghawng a nei hial, Social media hman chungchangah inzirna tur leh hmasawnna tur ka la nghah hle.
17. Mizoram ṭhalai tam tak tlakchham:
- Mi dikna leh thatna lai hmuhsak hram hram hi kan tlachham berin ka hria.
18. Mizo ṭhalaite hian ngaihsan tur dik an ngaisangin i hria em?
- Heihi chu keimahni ah a innghat, mihring kan nih angin tuina leh ngaihven zawng hran theuh kan neia, kan tuina a zirin kan ngaihsan zawng pawh kan nei mai thin, kan ngaihsan te'n kan nun a nghawng danah ngaihsan tur dik kan ngaisang em tih chu keimahni leh keimahni lo inzawt let ta daih ila.....🙊
19. Ngaihsan tur dik nia i hriat:
- Mi dik, a nuna Pathian dah pawimawh tu, lehkhathiam leh mi hawizau.
20. Hlawhtlinna tura pawimawh:
- Tumruhna leh beih fan fan na.
21. Hloh i hlauh ber: Ka inrintawkna.
22. Zo hnam inpumkhatna hi a thlen theih i ring em?
- Thleng thei turin eng nge pawimawh nia i hriat? - Hnam inpumkhatna hi kan pi leh pute hun ang em em kha chuan a thlen theih ring chiah tawh lo mah ila, beiseina tlem chu a la awm ve. Hnam inpumkhatna atan chuan mitin kan pawimawh veka, inzahtawnna te, harsatna inhriat thiam puina te, midang kan beisei ang hian keimahni kan insiamthat hmasak phawt a pawimawh ka ti.
23. Hnam dang nupui pasal neih hi:
- Ka thlawp em em lova, kan hnam hmusit tu an nih lova, an inhmangaih tawn phawt chuan tih tawp leh kan dan theih thil a niin ka hre lo, HMANGAIHNA a ni miau a.
24. Nupui pasal neih hmaa mipat hmeichhiatna hman hi:
- Thil tha tak a ni lo, kan nun leh kan hmahun a tichhe vek thei, amaherawhchu, kan hun kal tawhah kan lo tisualin kan lo dai pelh palh anih pawhin, kan tihsual te atanga inzirna tur zawn a finthlak in ka hria. Bible pawhin mipat hmeichhiatna hi nupa inkar chauha thleng tur a tih angin nun uluk taka kan hman erawh a pawimawh hle.
EXPLOREMIZORAM.COM i hmuh dan:
- EXPLOREMIZORAM.COM hi Kan ramin hma kan sawnna pakhat a niin ka hria, thlalaite tan a hlawk thlakin a bengvarthlak thin hle, in kal zelna turah duhsakna sang ber ka hlan che u.
- H Zate
Founder/Editor
Explore Mizoram
EXPLORE MIZORAM T shirt leh Hoodie hi a duh tan cheng 600 leh 1200 in order theih reng a ni. +919402125273
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Telegram group:
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: