Tuirial bialtu MLA Andrew H Thangliana boral

Aizawl | August 17, 2021: Tuirial bialtu MLA Pu Andrew H.Thangliana (Kum-44) chu thin lam ṭha lo avângin Ebenezer Hospital, Aizawl-ah tukin dar 6:35 hian a boral. 


Andrew H THangliana hi ZPM MLA a ni a, "ZPM ṭhalai chuan kan MLA in min kalsan ta mai hi pawi kan tiin kan ui takzet a ni. A kalsan tak a bial mipuite leh chhungte tan i ṭawngṭai ang u." tiin ZPM Thallai chuan instagram-ah post an siam a ni.


Vanduaithlak takin Pu Andrew H. Thangliana (44) MLA Tuirial AC, Chawlhhmun, Aizawl chu tukin August ni 17, dar 6:35AM khan Ebenezer Hospital ah a boral. 

Andrew H THangliana hi October 4, 1977 ah a piang a, a nupui Pi H.Lalromawii leh a fate 3 a kalsan a ni.

Nimin khan a bial chhunga mi thingdawl thalaite chuan Andrew hi thisen an rawn pe a ni.

SUNNA 
Ram tana kan rawngbawlpui, Tuirial Constituency bialtu Pu Andrew H. Thangliana (44), MLA, Mizoram hruaitu, hmabak duhawm tak neiin hun lo taka min boral san ta mai hi Congress Party chuan pawi a tiin a ui takzet a, ram tan channa nasa tak a ni.
Pu Andrew H. Thangliana'n a kalsan tak a nupui Pi H.Lalromawii leh a fate, a chhungkhat lainate leh amah thlang tlingtu Tuirial bial mipuite Congress Party chuan kan tawrhpui takzet a ni

Post a Comment

0 Comments