NH 306 dan pin vangin MBA-in High Court-ah PIL thehlut

Aizawl | August 3, 2021: Mizoram-a ukil intelkhawmna pawl Mizoram Bar Association (MBA) chuan vawiin khan Assamin Mizoram hrek riltam tuma National Highway (NH) 306  an dan pin chungchangah Gauhati High Court-ah Public Interest Litigation (PIL) an thehlut.


MBA chuan thuchhuah siamin, "Mizoram Bar Association (MBA), General Headquarters, Aizawl chuan vawiin ni 03.07.2021 hian Gauhati High Court, Aizawl Bench-ah, NH-306 kawng dan chungchangah Public Interest Litigation (PIL) kan file a ni. MBA hian Central Sawrkar; Assam Sawrkar leh Mizoram Sawrkar-ah te he NH-306 clan chungchanga hmala rang tura ngenna (representation) ziaka kan thehluh chuan awrnzia a neih tak loh avangin Mizoram mipuite hmakhua ngaiin Court -a zualko mai hi tun dinhmunah a tul ta ni a ngaiin he PIL hi kan thehlut ta a ni." an ti.

"He PIL hi Gauhati High Court, Aizawl Bench-a file ni mahsela, Gauhati High Court, Principal Bench, Guwahati, hnuaia awm an nih avangin he PIL hi Aizawl Bench-ah sawi tur nge Guwahati-a Gauhati High Court Principal Bench-a sawi tur tih hi chu Gauhati High Court thuneitute lamin an tichiang mai tura an ngaih thu MBA chuan an tarlang.

MBA thuchhuah chuan, "Nikum lama NH-306 dan pin chungchangah pawh MBA hian PIL No.68 of 2020 a lo file tawh a; he PIL hmasa hi eng emaw chen Gauhati High Court-a a inchiah hnuin nikum lama kawng dan kha a tawp zui tak avangin he PIL hmasa pawh hi tihtawp ve zui nghal a ni ve a. Chutih rualin hetiang thil a thleng leh anih chuan, a thara PIL hi file leh phalna (liberty to file afresh) Gauhati High Court hian MBA hnenah hian a pe bawk a ni." an ti bawk.


He an thuchhuah hian MBA president Anil Rinliana Malhotra leh general secretary R Lalhmingmawia te'n hming an ziah hnan a ni.

Post a Comment

0 Comments