MLA Lalchhuanthanga'n mistiri bungrua sem; ZPM chuan 'bana kaih policy' hi kan ngai pawimawh takzet a ni - Lalchhuanthanga MLA

Aizawl | August 30, 2021: Aizawl South- II MLA Pu Lalchhuanthanga chuan a tum hnihna atan a bial chhunga Mistiri te tan Furniture workshop a hman tur bungrua chhungkaw riat te tan a sem leh.


ZPM Gen Hqrs, Aizawl Publicity Dept thuchhuahin a tarlan danin, Heng thilpek hlanna hun hi Dt 30 Aug,2021 hian Tlangnuama a ma In ah neih ani a. ZPM South-II Block President  Upa F Rosailova chuan Pathian hnena hlanna hun a hmang a ni. 


He thilpek hlanna hun tawi ah hian South-II MLA Pu Lalchhuanthanga chuan thuchah tawi sawi in "ZPM chuan kut hnathawktu te hi Ram hmasawnna hnuk pawimawh tak anni tih hi kan hre chianga, chuvangin keini MLA te chuan kan phak ang tawk  tawk in an dinhmun chawisan hi kan tum ani a. Chumi tur chuan kan lo aupui fo thin Bana kaih(handholding policy) hi kan ngai pawimawh takzet ani. Chuvangin heng vawiin a mistiri bungrua kan inhlan te pawh hi tangkai tak leh hlawkpui taka hmang turin duhsakna sang ber nen ka hlan che u a ni" ati.

Tunlai boruak avanga punkhawm vak te a remchan loh avangin he hun hi ZPM Block Elected OB te'n hman puiin, ZPM Gen Hqrs atangin R.Lalthakima Secretary i/c Publicity chuan a telpui bawk.


Post a Comment

0 Comments