GOLD MEDALIST | MZU B.Sc Gold Medalist 2021 Malsawmkimi

Mizoram University Bachelor of Science Gold Medalist 2021 Malsawmkimi kan belchiang.

Kimtei tia hriat thin Malsawmkimi hi Dalthanga leh Doniangi te fanu niin July 10, 1998 khan a piang.

Kimtei te hi unau pali niin, mipa pahnih leh hmeichhe pahnih an ni a, Kimtei hi a naupang ber a ni.

Kimtei te hi Seventhday Adventists a lawi niin, Durtlang North-ah chengin an khawsa a ni.


📌 Zirna lam:
• Pawl 1 atanga pawl 10:
- Pawl 1-3 hi  Govt.Primary School ah ka kala,4-9 hi Kids Care School Ramhlun Southah ka zir. Class 4 ṭang hian 1-na ka ni chho deuh char char. Pawl 10 hi 2014 ah Living Water School Mission Vengthlang aṭang Distinction ah ka passed a ni.

• Pawl 12:
- Govt HSS aṭang 2016 khan ka pass a ni.

• Zirna sang zawk:
- College hi zirzawm lawk lovin ka chawl a, kum 2018 khan Govt Zirtiri Residential Science College ah B.Sc zir turin ka lut a, Pathian zarah kumin hian tluang takin B.Sc (Zoology) ka zo a ni.


📌 I lehkha zir dan?
- A tir aṭang inthlahdah loin ka zir ṭhin

📌 harsatna I hmachhawn dan?
- Ṭawngṭaina nen ka hmachhawn ṭhin

📌 Gold medalist i nihna (Subject) leh CGPA?
-B.Sc, CGPA-9.47

📌 Gold medalist ni tura i beih dan?
- Sawi leh sawi hnu a tir aṭanga ṭan mar pat,semester wise a nih vang hian inthlahdahna hun a awmlo hrim hrima ka beichiamlo zan rei tak tak thleng pawh ka zir ngai lemlo .1st Semester aṭang result a ṭha chho char chara chu chuan final result a hril khawp mai.

📌 Gold medalist ni tura i beihnaah faculty lamin an ṭawiawm/pui ṭha chein i hria em?
-Tehreng mai,faculty fel tak takte  ṭawiawmna leh ṭhahnem ngaihna vang liau liau a ni e.

📌 I zirna atana i chhungte pawimawhna:
- Sum leh pai,tawngṭaina hmanga ka zirlai min zirpuitu te an ni.Exam dawna ka nuin lu chunga kut nghata min ṭawngṭai sak ṭhinna hi a hlu ka ti hle bawk.


📌 I zirna atana i ṭhiante pawimawhna:
- Ṭhiante nena sawiho te, thiam loh inhrilhfiah tawnte hi a hlawkthlak khawp mai.



📌 I duhzawng leh ngainat zawngte:
• Rawng - Purple
• Chawhmeh  - Alu
• Incheina -Tshirt &Pants
• Rimawi –Gospel Music
• Mizo Ziaktu zingah -Lalhruaitluanga Chawngte
• Hla-Rimawi ropui ber by Pensy
• Hla phuahtu - C.Lalzarmawia
• Teacher -Mi puitling chherchhuaktu an thiamna min hlanchhawngtu zirtirtute hi an hlu
• Leader - Jayalalithaa

📌 Mize ngainat zawng:
-Ṭawng duh (a hun leh hmun a zirin),chapo lo

📌 Mize ngai nat loh zawng -Midang ngaituahna nei miahlo,mi ngaihsam lutuk te

📌 Hobby-Singing

📌 Relationship status -Single

📌 Kawppui atan duhzawng -Hmeichhe hlutna hrethiam tak,chapo si loa mahni inngaihlu thiam leh che fel ve thawkhat 


Zawhna dang:::
1. A tel lova i awm theih loh:
- Pathian tello vin engmah kan ni lo.

2. I nun kaihruaitu:
- Mahni leh mahni infuih thar reng

3. Hringnuna i hlauh ber:
- Beidawn

4. I tih ngai miah loh tur:
- Zuk leh hmuam/Ruihtheihthil

5. Mizo Tualzal nuna ṭha i tih: Tlawmngaihna

6.  Quote i duh ber:
"Never give up on a dream just because of the time it will take to accomplish it.The time will pass anyway".

7. Mizoram leh Mizo tualzal nuna Mizo hmeichhiate dinhmun:
- Mizo Society ah chuan hmeichhia dinhmun hi a ṭha hrih khawpin ka hria.

8. Hnam hmingṭhat leh hmingchhiat kawngah Hmeichhiate'n mawhphurhna:
- Hmingthat aia hmingchhiat awl zia hriain hmeichhe kan nihna ngaihlua nun uluk ,mahni nihna hriat chiana zahpui lo nih tum ang u.

9. Mizote tan 'Fa neih tlem' inzirtir hi a ṭulin i hria em?
-A ṭul ka ti lem lo. Mizo hnam kan la tlem lutuk. Chu ai chuan fanau enkawl hi mawhphurhna sang tak a ni a. chuvang chuan nupui pasal neih hmaa inzirtirna ṭha neih tam lam hi i uar zawk ang u.

10. Mizo hnam ṭhanmawh bawk nia i hriat?
- Dikna  tlakchham, intodelh lohna

11. Mizo hnam damna atana  kawng awm nia i hriatte?
- Kristian ram kan nih anga kristian nun dan dik taka nun.

12. Hnam chhan nana Hmeichhiate ṭangkaina leh mawhphurna?
- Zirna, thiamna hmang hian kan hnam hi kan chawisang thei a. Tin, mi zir sang mi thiam ni kher lo mah ila mi dangte hnena hnam hmangaihna thinlung tuh theitu kan ni thei bawk.

13. Zirna, Khawtlang leh Kohhran hi?
- Mizo society ah chuan khawtlang leh kohhran hi an pawimawh a.Zirna nen a kalkawp thei vekin ka hria.mahse zirlai nih chuan ngaihpawimawh hmasak tur kan hriat erawh a ṭul khawp mai.

14. Khawtlang, Kohhran leh nangmah:
- Khawtlang leh kohhran hi an hlu hle a zirna nen kan kal kawp tir thiam a ṭul.

15. Social Media leh Nangmah:
- Social.media khawvelah kan chenga a kan hmang nasa in kan hmang ṭangkai bawk a.Kan hun tamtak ei hêktu  min bawihtu nih tir lo hram ang u.

16. Mizoram ṭhalai tam tak tlakchham: Thawhrimna 

17. Mizo ṭhalaite hian ngaihsan tur dik an ngaisangin i hria em?
- Tunlai ṭhalaite hi kan changkang tawh viaua ngaihsan tur dikte pawh kan hre chho hle tawhin ka hria, hmasawnna tur tamtak erawh kan la nei e.

18. Ngaihsan tur dik nia i hriat:
- Anmahni thawhrimna rah ngeia mi hlawhtlingte, dik taka huaisen taka thil ti ṭhinte.

19. Hlawhtlinna tura pawimawh:
- Pathian rinchhan, malsawm tlaka taihmak

20. hloh i hlauh ber: Mahni inrintawkna

21. Hnam dang nupui pasal neih hi:
-Neih loh hi hnam chhanna kawng pakhat a ni .Nang leh kei chuan mahni hnampui Mizo ngei thlang tlat ang aw.

22. Nupui pasal inneih hmaa mipat hmeichhiatna hman hi?
- Pathian hmuha thil sual kan tih loh tur a ni

I thalaipuite tan fuihna:
- Kan ram leh hnam hi hmangaih lehzual thar ila,kan thiamna kawng ṭheuhah taihmak chhuaha hlawhtlin tumna rilru pu chungin  ram chawikan i tum ang u.


EXPLOREMIZORAM.COM i hmuh dan:
- Website ṭangkai ,mi tam tak a bikin ṭhalaite hlutna hriaa min phochhuaktu an ni.An kal zelna turah duhsakna ka hlan e.


Founder/Editor
Explore Mizoram


EXPLORE MIZORAM T shirt leh Hoodie hi a duh tan cheng 600 leh 1200 in order theih reng a ni+919402125273











(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments