LUNGLEIA AUTORICKSHAW-A EIZAWNG TE HNENAH CSR TANPUINA HLAN

Lunglei | August 5, 2021: Lunglei DC Pu Kulothungan A, IAS hmalakna in India ram chhung hmun hrang hrang-a NGO foundation/ Company/ Corporation te atangin CSR kaltlangin mipuite tana hlawkpui leh tangkai pui theih tur Medical lam kaihhnawih bungrua bakah lockdown avanga ei bar chungchanga harsatna tawkte hnena sem tur dry ration ngaihven thin a ni a.

Heng zingah hian Reaction Team, USA atangin cheng sing hnih sang nga (Rs. 25,000/-) dawn niin Mizoram Autorickshaw Owners’ Association (MAOA), Lunglei hnuaia chhungkaw sawmnga leh pakhat (51) te hnenah ei leh bar mamawh hrang hrang vawiin khan sem a ni.

Semna inkhawm tawi Lunglei DC Conference Hall-a neihah Lunglei DC Pu Kulothungan A chuan Covid-19 hirleng thawh hnihna kan hmachhawn mekah inkharkhip rei tak kan kalpui tawh avangin chhungkaw tam takin eizawnna lamah harsatna an tawk mek tih kan hriatpui a, an tan theihtawp a hmalak zel kan tum a ni tiin Reaction Team, USA atang hian CSR dawn belh zel beisei anih thu a sawi a ni.

Mizoram Autorickshaw Owners’ Association (MAOA), Lunglei member-te an President Pu H. Zirliana hova lo kalin Lunglei DC Pu Kulothungan A leh a thawhpuite chungah lawmthu an sawi a. Heng tanpuina dawn te hi Lunglei khawpui chhunga Auto stand 13 hnuaia chhungkaw hrang hrang hnenah an sem chhuak leh dawna ni.

- DIPR