FEATURE | Govt Serchhip College Miss 2021 Dawngdawngi

Govt Serchhip College Miss 2021 Dawngdawngi kan belchiang!


Govt Serchhip College Miss 2021 Malsawmdawngkimi hi  Dawngdawngi emaw dawngi tia koh thin niin,  April 25, 2000 khan H Lalbuatsaihi leh H lalhruaitluanga (L)  te inkarah a lo piang a. Tunah hian Serchhip hmar veng ah an chhungkua-in an khawsa mek a ni.

Dawngdawngi te unau hi panga an ni a, mipa pakhat leh hmeichhe pali niin Dawngdawngi hi a mi lai a ni. Kohhran lamah chuan Presbyterian kohhran a lawi an ni.

Dawngdawngi'n Explore Mizoram zawhna a chhanna te i lo thlir ang hmiang!
📌 Zirna lam:  kum 2016 khan   Presbyterian English School, Serchhip atangin pawl 10 ka pass a. Kum 2018  khan Govt. Higher Secondary School, Serchhip ah Pawl 12 ka pass ve leh a. Tunah hian Govt Serchhip college ah B.Sc (chemistry) 6th semester ka zir mek a ni.

📌 Hobby: Hla ngaihthlak leh zai hi nuam ka ti 


I duhzawng leh ngainatzawng hrang hrangte:
• Lehkhabu duh: A burning
• Actor/actress: Emma Watson, Cole Sprouse
• Zaithiam: John Mayer , Sam Smith
• Chawhmeh: Artui, Dal leh Alu
• Hla: MercyMe- Even If
• Hmun: Chhungte leh thiante nen a hlim tak a kan awm tlan theih na hmun 
• Rawng: White
• Ziaktu: JK Rowling


📌 Mize ngainat zawng: Mi hlim thei, rintlak, zethup lo, chapo lo

📌 Mize ngainat loh zawng: Ze thup , rinawmlo, mahni tanghma hai, chapo

📌 Kawppui tura duhzawng: Pathian tih mi, rilru puitling, rinawm, chhungkaw ngai pawimawh, min hmangaih em em tu leh kristian chhungkaw tha tak dinpui theih 

📌 Relationship status: single

📌 Aim in life :  Professor 


📌 College Lady/Miss thlanna a tel chhan?
- Keimah hi chuan tel ve turin ka la in dah chhin ngai lova mahse kan College SU hruaitu te'n min lo ruat ve tak si ah chuan tel turin ka inbuatsaih ve a ni.

📌 College Lady/ Miss nih hi i inring reng em?
- Hetiang lam hi ka vawikhat telna  a ni a, ka nih theih hi ka inring lem lo a, mahse, ni thei tur erawh chuan ka theih tawp ka chhuah.

📌 College Lady/Miss in inun a nghawng a neih?
- Mahni inrintawkna min pe.

📌 Modelling lam hi i tui reng em?
- Tui lem lo!


Zawhna dang:::
1. A tel lova i awm theih loh:
- Pathian, chhungkua leh thiante!

2. I nun kaihruaitu:
- Pathian leh chhungkua!

3. Hringnuna i hlauh ber:
- Ka nih tum nih theih loh


4. I tih ngai miah loh tur:
-  Ruihtheih thil leh midang hmuhsit

5. Mizo Tualzal nuna ṭha i tih:
- Tlawmngaihna

6.  Quote i duh ber:
Before you give up think of the reason why you held on for so long 


7. Mizoram leh Mizo tualzal nuna Mizo hmeichhiate dinhmun:
- Tunhma nun ngaihtuah chuan Mizo hmeichhia te kan dinhmun a sang tawh hle a. Mahse kawng tam tak a ngaihtuah chuan hei ai a tan lehzual erawh kan  la mamawh  hle ani. 

8. Hnam hmingṭhat leh hmingchhiat kawngah Hmeichhiate'n mawhphurhna:
- Hnam dangte bul a kan  khawsak dan ah te, kan incheina leh zirna lam a hmasawn kawng ah te hian

9. Hnam ziarang chawinun kawnga Hmeichhiate mawhphurna:
- Kan nihna (identity) a chian a. Chutiang zelin fate kan neih hunah pawh kan fate hnen a kan hnam ngaihsan leh ngaihhlut dan in zirtir tam hi a pawimawh hle in ka hria.


10. Mizote tan 'Fa neih tlem' inzirtir hi a ṭulin i hria em?
Fa neih theih hi Pathian malsawmna a ni a. A  nei thei te chuan an chawm theih chin leh an duh zat an neih chu a pawi viau dawn em ni le 😅. Hei hi chu mimal tin duhthlanna tur ani in ka hria. 😅

11. Mizo hnam ṭhanmawh bawk nia i hriat?
- Zirlai tum mumal nei lo a tei hawi vel mai mai kan tam lutuk te, thawhchhuah nei si lo a nu leh pa ring chawt thalai kan tam ta lutuk te leh kut hnathawh zahthlak a ngai tlat kan awm nawk vang te in.


12. Mizo hnam damna atana  kawng awm nia i hriatte?
- Kan hnam kalphung te ngaihhlut a in zirtir . 

13. Hnam chhan nana Hmeichhiate ṭangkaina leh mawhphurna?
- Mahni hnampui, zo hnahthlak ngei pasal a neih.


14. Zirna, Khawtlang leh Kohhran hi?
- Thil inrem tak ni in ka hria . Mahsela zirlai kan nih chhung chuan  kan duty hmasa ber chu kan zir lai tha tak a tih a hlawhtling ngei a zir kha ani a ..   Nakina kan khawtlang leh kohhran tan a tang zawk a  kan in hman theih na peng tha tak ni in ka hria .

15. Khawtlang, Kohhran leh nangmah:
- Sawi tawh angin zirlai tan chuan lehkha zir hi thil pawimawh hmasa a ni a. Lehkha zir hi ka ngai pawimawh a. Mahse ka phak ang tawk chuan kohhran leh khawtlang ah ka zirlai tibuai lo  zel in ka in  hmang ve thin. 

16. Social Media leh Nangmah:
- Social media ah chuan  whatsapp leh instagram hi ka khawih nasa ve a.  Tunlai kan boruak ah chuan  lehkha zir nan a kan hman tlang lawn ber ani bawk a ka hmang tangkai ve hle a . Mahse ho mai2 a hun khawh ral nan pawn ka hmang ve nasa a.  Ka zirlai piah lam thil erawh Khawih tlem ka in zir chho mek ani.


17. Mizoram ṭhalai tam tak tlakchham:
- Tei rei peih, taimakna, tumruhna. 

18. Mizo ṭhalaite hian ngaihsan tur dik an ngaisangin i hria em?
- Thalai te kan fing in hma kan sawn nasa tawh a. Kan nih tum leh zir duh a zir in ngaihsan tur dik pawh kan hre chho viau in ka hria. 

19. Ngaihsan tur dik nia i hriat:
Mi rinawm, mahni thil tum a chiang a ti hlawhtling te, midik. 


20. Hlawhtlinna tura pawimawh:
- Pathian tih, tei rei peih, taimak, tum a chian . 

21. hloh i hlauh ber:
- Pathian leh chhungkua. 

22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
- Thlen theih ni chu ala awm ka ring.

23. Hnam dang nupui pasal neih hi:
- Kei chuan tih loh hram ka tum.



EXPLOREMIZORAM.COM i hmuh dan: 
- Hetiang a mizo te tan a thu bengvar thlak tak tak leh hmasawn theih na tur in rawn chhawp chhuak hi a hlawk thlak in a ropui ka ti a. Chhunzawm zel tlak pawh ni in ka hria. In kal lehzel na tur ah pawh duhsak na ka hlan a che u.


Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

  1. GSC Miss chu a hmeltha in,zawhna pawh a chhang tha hle mai..👌👍💕

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post