LPS - Zonet Fairelbel sum tlingkhawm Aizawl Bawrhsap kutah hlan

Aizawl, the 30th August,2021: Zonet leh LPS tangdun buatsaih, Charity Concert Fairelbela sum tlingkhawm Rs. 23,45,000/- chu vawiin khan Aizawl Bawrhsap Dr. Lalhriatzuali Ralte kutah hlan a ni a. Fairelbel sum hlanna hi Aizawl Bawrhsap Pisaah neih a ni.


Bawrhsap Dr. Lalhriatzuali Ralte-in program a kaihruai a, chhawmdawl ngai mi harsate tanpui duhna nena tlawmngaia sum thawhtu zawng zawngte chungah lawm thu a sawi a ni.

MKHC Secretary, Rev. Lalrinsanga'n sum tlingkhawmte Pathian hnena a hlan hnuah, Zonet Director-in report pe in he program buatsaih chungchangah Pathian kaihhruaina an chan thu leh he hun tihhlawhtling tura tha thawhtute zawng zawg chungah lawmthu a sawi a ni.

Additional DC, Pi K. Vanlalruati pawhin lawmthu sawina hun a hmang bawk a.

Hemi hnu hian Fairelbel Organizing Committee-in Bawrhsap kutah sum tlingkhawm hi an hlan a. Fairelbel Utilization Committee-in a sum tling khawm te hi a dawng tur te hnenah hun remchang hmasa berah an hlan dawn a ni.

August ni 20 zan khan Zonet leh LPS tangdun chuan Hyve-ah Fairelbel program hi a buatsaih a, zaithiam leh thalaite zinga mipui hriat hlawh tak tak ten he hun hi an hmanpui a ni.

Post a Comment

0 Comments