HMEICHHIA



Hmeichhia chu hmangaihna a ni.

Ni e, hmeichhia chuan a nun pum hi hmangaih thawnthu in a khat a, a ti tawp thin, mipa tan chuan hmangaihna chu a nun thawnthu bung khat chauh angin a ti tawp ve thung.

Hmeichhia chu thunun tum lova kaihhruai tur an nia, a enkawltu a zirin an fing a, an mawl thin. 

Hmeichhia lu chu mipa anih vangin a lu ber afin chuan a mawl theih loh tlat, mipain / a pasalin hna thawkin ei leh in tur a lam khawm ang a, hmeichhiain a siamin, a pasal rawng a bawl ang.

A hmeichhia zawkin ei zawngtu leh thawk chhuaktu anih chuan a lo patling thuai a, mipa emaw a inti thuai mai thin ( Patil lam ka sawi lo a nia) a inla thu mai thin.

ARPA aia Arpui a khuan rin zawkna in chu in vanduai a la ni ang tih ziak ang khan.

Hmeichhia chu darthlalang anga dimdawi ngai, a keh hlau taka vawn leh hrukfai fo ngai a ni si. 

Duat leh dawm, dim ngai a ni a, Mahse, duat sual theih erawh a ni, Duat ngawt lova hmangaihna nunpuitu anih vangin hmangaihtu a mamawh zawk.

Himna leh innghahna thlahlel, ber nih cháka khat, thinlung no tak, thikthu chhe tak a ni.

Tawngkam tha lawm tak leh fak ning lo a ni a, nalh leh mawi nih a duh a, midang aia danglam nih a châk fo a, chu ngei chuan fak thin ang che.

Teh a duh lo a, midang nen tehkhin ngai suh, fak hreh lo la, I bulah a hlim reng mai ang.

Hmeichhia anih tlat vangin, himna leh vengtu, kaitu, zilh leh fuihtu mamawh a ni fo.

Mahni ke a ding a, inenkawl zo leh chak ve tawka a inngaih poh leh a derdep zia lan a hnai tihna a ni. Ngaihven sauh an ngai tihna a ni.

Mipa pui leh tihlim a, rawngbawltu atana siam anih angin mipa kiangah a nihna tak tak a lang fo a, a famkim thin.


Post a Comment

0 Comments