Lirthei lo chhuak Lailapur ah lambun

• Assam sorkarin escort nena an hruaichhuah a ni a, Assam sorkar mawhphurhna a ni.

Aizawl | August 7, 2021: Mizoram mamawh medical item leh oil phur te chu Mizoram pana an rawn kal laiin Lailapur Police check gate thlen hma deuh ah mipui pungkhawm in an lo lam bun a, driver ten hliam an tuar nual a, an lirthei te hi mipui lam ten an tihchhiat sak niin thu dawn niin Vairengte aw chuan a tarlang.

Zanin dar 7:30 khan Vairengte khawtlang huap emergency meeting an ko!


Tûnah hian driver leh handyman te hi an tlan bo rih a, an awm chin tak an sawi fak thei lo niin thu kan dawng bawk.. mipui pungkhawm hi 100 chhang fe nia thudawn a ni a, AP leh crpf lam pawh buaina thlennaah hian an awm nia sawi a ni a, mahse driver te hian vênhimna an dawng thei lo niin an sawi bawk..

Assam sorkarin escort nena an hruaichhuah a ni a, Assam sorkar mawhphurhna a ni.

Tweeter lamah a tam thei ang berin *drama being played out by Assam govt at Lailapur with the lives of innocent hapless drivers. They did exactly the same thing last year  tiin lo tweet sup sup rawh u. Assam lam gameplan mai mai a ni. Sorkar hi a tihtirtu a ni ti a puh ve char char tur. Proofna kan nei lo mai thei. Mahse circumstantial evidence a awm. Assam sorkar handiwork a ni lo tih prove na tur pawh a awm lovang. Tanrual a hun e.

7:50PM:
Cachar police hotute ruahman ang leh escort hnuaiah Silchar-a lirthei tangkhangte tlai dar 3:50 vel khan Mizoram pana chhuahtir an ni a.  Lailapur-ah mipuiin an lo dang leh a, mipui kut tuar leh lirthei chhia a awm tawh nia thu dawn a ni.
Zanin dar 7:30thleng khan Lailapur paltlanga Mizorama lirthei lut a la awm lo.

8:50 PM:
Motor 9 Silchar him takin a thleng leh tawh nia thu dawn a ni.

AP leh 119 Bn CRPF te Escort na hnuaiah kal te kha tun dar 8:05 pm khan  Silchar Mizoram House ah an let fel vek tawh a, Motor glass keh leh vuak chhiah chu a awm nual nain tumah hliam na leh Nunna chan an awm lo.

Lailapur Mipui leh Assam police te an in thurual em mi a tih theih a, Fake escort dik tak a ni.

*Emergency meeting ko

Zanin dar 7:30 hian Vairengte SDO C conference hall ah khawtlang huap emergency meeting koh a ni a, hetah hian heng a hnuaia mite hi kal theuh turin hriattir an ni.
1. Joint YMA President leh Secretary
2. Block MHIP  President leh Secretary
3. MZP sub hqrs President leh Secretary
4. MSU HQRS  President leh Secretary
5. SORE  President leh Secretary
6. Vairengte Thalai Pawl  President leh Secretary
7. All branch YMA,  President leh Secretary

Agenda :
1. Mizoram bungraw rawn phurtute Lailapur a lambun a nih chungchang
2. AOB.

Sd/-
Secretary
i/c Information & Publicity
Joint VC, Vairengte

Post a Comment

He post chungchanga i ngaihdan lo sawi ve rawh:

Previous Post Next Post