Mizoram University Bachelor of Commerce Gold Medalist 2021 Lalthazuali kan belchiang.
MZU in August 6 chawhmaa Under Graduate result a tihchhuah taka B.Com Gold Medalist Thazuali tia hriat hlawh Lalthazuali hi F lalmuankima leh Lalbiakveli te fanu rangkachak niin January 19, 2001 khan a lo piang a. Kohhran lamah UPC(NEI) a lawi niin, Chawnpui, Aizawl-ah chengin an khawsa a ni.
Thazuali'n Explore Mizoram zawhna a chhannate lo belchiang ve rawh le!
Zirna lam:
• Pawl khat atanga pawl riat hi Little Diamond Academy ah ka kal a. Pawl 9 leh 10 hi Helen Lowry HSS-ah ka kal leh a. Term exam ah hian a tlangpuiin ka top thin a, a changin 2nd ka hauh ve bawk. Pawl 10 hi 2016 ah Distinction ah ka pass a ni.
• Pawl 12 hi Govt. HSS ah ka lut a, distinction-ah vek 2018 khan 5th rank holder niin ka pass a ni.
• College hi kum 2018 khan Govt. Hrangbana College (HBC) ah ka lut a, commerce lain, kumin hian B.Com tluang takin ka zo a ni.
📌 I lehkha zir dan?
- A tlangpuiin lehkha hi nitin ka zir a, consistency hi a pawimawh ka ti a, thil byheart ka harsat avangin hriatthiamna ah ka innghat thui hle a ni. Tin, kan thil zir hi classmate te bula zirlai sawifiah leh sawichhawn hian thui tak min pui bawk a ni.
📌 harsatna I hmachhawn dan?
- Lehkhazir leh chhungkaw lamah pawh harsatna neuh neuh a awm thin a , mahse harsatna a lo thlen chuan Pathian hnenah leh ka nu hnenah thlenin tawngtaina nen hmachhawm thiam theih dan ka zawng thin. Tin, diary-a harsatna leh buaina ziah chhuah thin hian nasa takin min pui bawk.
📌 Gold medalist i nihna (Subject) leh CGPA?
- Commerce ah ka topper a, CGPA hi 9.23 a ni.
📌 Gold medalist ni tura i beih dan?
- Gold medalist ni tur hian 1st year atang ka rilru ka siam a, a tir atang nasa takin la bei a ni. A bul tan that chu a chanve zo ang a nih avangin a tir tihthat hi a pawimawh.
Tin, gold la tur chuan inthlahdah a thiang lo ava, rilru inpeih sa takin kawng tluanin ka bei a ni. Lehkha zir dan kalphung-ah chuan, Library hian min pui em em a, tin, professor te zawhna zawh peih leh classmate te hnena sawifiah chhawn thiam hian zir nasat piah lamah min pui bawk.
📌 Gold medalist ni tura i beihnaah faculty lamin an á¹awiawm/pui á¹ha chein i hria em?
- Faculty hian nasa takin min pui a, Zirlai lam chauh ni lo personal development leh mental state thlengin min ngaihsak a, zawhna ka neih te leh ka mamawh tih pawh ka hriat loh thlengin min pui a ni. Anni tluka min ngaihsaktu hi an tam lo.
📌 I zirna atana i chhungte pawimawhna:
- Ka chhungte hian theih tawp tak meuh meuhin min tawiawm a, ka mamawh leh zirna lamah chuan an theih ang ang an ti thin. Tawngtaina nen min chen chilh a , anni vang chauhin hetiang dinhmun hi ka thleng a ni.
📌 I zirna atana i á¹hiante pawimawhna:
- Ka thiante hi piang nawn leh pawh ni ila anni aia tha ka hmu chuang lo ang. Min chophurin min fuih fovin ka theihna san zia min hrilh reng a, ka harsat leh mangan laiin min pui a, min fuih a, ka thian an ni satliah lova, ka tan chuan ka chhungte an ni.
📌 I duhzawng leh ngainat zawng hrang hrang:
• Rawng- A sen leh pink
• Chawhmeh- Bawng leh VawksaðŸ¤
• Incheina- Bakilh, Kawrfual, leh One-piece clothing
• Rimawi- Country leh Pop rock
• MIZO Ziaktu - Mafaa Hauhnar
• Hla- I lamah a tang Lalpa (Mizo), Coat of many colours (English)
• Hla Phuahtu - Vanlalsailova (Mizo) Taylor Swift (English)
• Teacher- Ka Nu.
• Leader - Mahatma Gandhi
• Mize ngainat zawng - Mi rilru tha
• Mize ngainat loh- Mi chapo
📌 hobby - Puanthui, Novel chhhiar leh Lam (dancing)
📌 Relationship- Single
📌 Kawppui tura duh zawng:
- Inhriatthiampui tawn theih leh inchawikan tawnpui theih tur.
ZAWHNA DANG:
1. A tel lova i awm theih loh: Ka zawhte te
2. I nun kaihruaitu: Pathian leh ka Nu leh Pa
3. Hringnuna i hlauh ber: Khawvel tana thil chhinchhiah tlak ti lova thih.
4. I tih ngai miah loh tur: Zawhte sa ka ei ngai lo ang😂
5. Mizo Tualzal nuna á¹ha i tih: Aia upa kan zahna
6. Quote i duh ber: "Everything is Figureoutable'
7. Mizoram leh Mizo tualzal nuna Mizo hmeichhiate dinhmun:
- Hmeichhe dinhmun hi a tha hle ka ti a, hmasawnna tur a la tam rualin kan dinhmun tha hi hlut thiam a ngai hle mai.
8. Hnam hmingá¹hat leh hmingchhiat kawngah Hmeichhiate'n mawhphurhna:
- Hmeichhiate hian Mizo kan nih angin khawiah pawh zahawmna leh rinawmna kan nunpui tur a ni.
9. Hnam ziarang chawinun kawnga Hmeichhiate mawhphurna:
- Kan hnam hi hmeichhiate hian kan thil tih engkim ah, hna leh awmna apiangah theih ang leh thiam ang angin kan phochhuak thiam ve tur a ni a, chhuang takin kan nunpui thiam tur a ni.
10. Mizote tan 'Fa neih tlem' inzirtir hi a á¹ulin i hria em?
- Hei chu chhungkaw dinhmun leh mahni inhuamna-ah a innghat ang. Fa neih hi thil mai mai a ni lova, inpekna nasa tak a ngai a ni.
11. Mizo hnam á¹hanmawh bawk nia i hriat?
- Ram hmangaihna dik taka hmasawn tumna kan tlachham.
12. Mizo hnam damna atana kawng awm nia i hriatte?
- Thalaite an pawimawh nasa a, keini-in dik taka ke kan pen chuan kan ram hian hma a sawn em em ang.
13. Hnam chhan nana Hmeichhiate á¹angkaina leh mawhphurna?
- Hmeichhiate hi chhungkaw nu ber kan nih thin avangin thiamna hi a pawimawh. Hmeichhe lehkha thiam lo chuan a fa duh angin a zirtir thei lova, hmeichhe fing leh zirna a thiam kan mamawh.
14. Zirna, Khawtlang leh Kohhran hi?
- A inzawm vek a, rualkhai taka ke pen leh a member te pawh rilru tangrual taka kalpui a tul.
15. Khawtlang, Kohhran leh nangmah:
- Khawtlang leh Kohhran hi ka tan hian a pawimawh a, an tello in ka awm thei lo. Ka hlawhtlinna chu Kohhran leh Khawtlang hlawhtlinna a ni a, kei hian mawh ka phur a ni.
16. Social Media leh Nangmah:
- Social media hi a tangkai a, thiam leh uluk taka ka hman chuan hmasawnna tak tak a awm, amaherawh chu, chintawk hriat a tul a, mahni kan inthunun a pawimawh.
17. Mizoram á¹halai tam tak tlakchham:
- Beih tauh tauh peihna (teirei peihna), a tawp thlenpui.
18. Mizo á¹halaite hian ngaihsan tur dik an ngaisangin i hria em?
- A tam zawk hi chuan ngaihsan tur dik an hria a, hrelo leh hre thiam zolo tam tak an awm nuk bawk.
19. Ngaihsan tur dik nia i hriat:
- Mahni nih tum azir a khami kawnga lo bei hlawhtling tawhte hi ngaihsan tur dik an ni.
20. Hlawhtlinna tura pawimawh:
- Ti thei ngei nia inrin tlatna leh beidawn duh lohna.
21. hloh i hlauh ber:
- Pathian nena kan inzawmna.
22. Hnam dang nupui pasal neih hi:
- Mimal duhthlanna-ah a innghat
23. Nupui pasal inneih hmaa mipat hmeichhiatna hman hi?
- Thil sual leh Pathian pawi sawina a ni.
I thalaipuite tan fuihna---
- Ram hmangaihna dik nei ula, in hringnun neih chhun hi chhinchhiah tlak taka zawh tum hram turin ka ngen a che u. Tin, beiseina leh rinna hi thlah ngai lo hram rawh u.
EXPLOREMIZORAM.COM i hmuh dan:
- EXPLOREMIZORAM.COM hi a tangkaiin Mizo leh hnam dang tan pawh a chhenfakawm a, mipuite tana a service hlutna hi teh sen a ni lo.
- H Zate
Founder/Editor
Explore Mizoram
EXPLORE MIZORAM T shirt leh Hoodie hi a duh tan cheng 600 leh 1200 in order theih reng a ni. +919402125273
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Telegram group:
(Website leh a hnuaia fakna hi lo hmet ve rawh.)
Ka thiannu chanchin chu ka hmu ve chiah😃.. ani hi chu kan tlukloh thin kha a niaa
ReplyDeletePost a Comment
He post chungchanga i ngaihdan lo sawi ve rawh: