Aizawl | August 10, 2021: BJP Mizoram Pradesh chuan, "Covid 19 hripuiin Mizoram mipui min nghawng lai leh eizawnna kawngah harsatna kan tawkin, eichawp zawng mi rethei ten sum ah harsatna kan tawh mek lai a, Electric Bill July thla a tam uchuak a rawn kal chu mipui te tan phur rit siam nawnna a niin, a rapthlak kan ti tak zet a ni," an ti.
Thuchhuah siamin BJP Mizoram chuan, "Mizoram a Sorkarna lo chelh tawh ten mipui mimir mamawh leh hmasawnna atana pawimawh, Kawngpui tha, Hydel Project Changtlung, Mipui te thlai tharchhuah hralhna tur, Health Infrastructure changtlung anlo ngaihthah tawh na chuan rampum huapa harsatna kan tawh chiah hian a pawi zia alang chiang hle a, Congress leh MNF Party te hian Mizoram hi min sawpchhe hneh hle tawh a, sawpbelh tlak awm lovin min sawisa tawh a ni. Chumi rah chhuah avang chuan, kawng engkimah mipui in harsatna kan tawk ta mek a ni tih Mizoram mipui te hian kan hai lo a ni." an ti bawk.
"Tunah pawh Sorkar hian sum tuakna atan Electric bill hi a hmang ta mai em ni tih chu BJP Mizoram Pradesh chuan kan zawhna a ni an ti a. "Cheng nuai chuang chhungkhat a an bill te, Sing tel an bill te hi Domestic Bill ah chuan thil inhmeh lo tak niin, State tam takah electric bill leh tui bill te a thlawn deuh thaw a an tih tawh laia, kan State Sorkar erawh in a nasa taka tipungin, miretheite min nghaisa hi a rangthei ang bera ennawn a siam tha vat turin, BJP Mizoram Pradesh chuan Pu Zoramranthanga kaihhruai Sorkar hi kan ngen a ni." an ti bawk.
Post a Comment
He post chungchanga i ngaihdan lo sawi ve rawh: