Hming chu sawi lo ta ila, kan thian pakhat Mizoram sorkar doctor-in min hrilh dan chuan covid vaccine hi "hriatchian leh zirna nei lemlo in, la tura min tih vangin ka la ve mai," a ti a. Ka han zawh kual pawh hian Mizorama kan doctor thiam leh tha ber ber te pawh hian ngaihtuah chiang em em lovin, zirchianna em em pawh nei lovin Narendra Modi-a sorkarin khawvel hmaa covid vaccine la tam ram nih tuma tan an lakna program hi an zawm ve pawp niin a lang.
Mizorama vaccine in hman ang kha helamah chuan AstraZeneca company-in a siam VAXZEVRIA hi a ni a. Australia sorkar hnena hman tura a thehluh khan a that leh that loh te, a him leh him loh te an lo en ve phawt a ngai a. Chutianga lo thlifimtu chu Therapeutic Goods Administration (TGA) a ni a, AstraZeneca-in an thilsiam chungchang an ziahna lehkha Product Information TGA hnena an thehluh ah hian cancer a siam theih leh theih loh chungchangah heti hian a inziak a - "VAXZEVRIA is a vaccine, as such, carcinogenicity studies have not been conducted."
Cancer a siam theih leh theih loh hre turin kan la zir lo an ti a ni ber mai.
India rama he vaccine siamtu company Serum Institute of India in Product Information-a a tarlan zingah hian, ka zawng hmu fuh lo nge ni "carcinogenicity studies" neih a nih leh nih loh hi ziahlan reng reng a awm lova. India rama siam phalna an neih hnu-a an siam khan AstraZeneca-in an Product Information-a an tarlan hi tarlan ve mai theih awm tak a nih laiin India rama hman turah kha chuan cancer a thlen theih leh theih loh zirna a awm loh thu pawh kha a lang lo ta hrim hrim a ni. Sawi ang khan lo hmuh hmaih paih a awm a nih chuan in hrilh ta ila a lawmawm viau ang.
Mizorama doctor te hian covid vaccine him ti-a an sawi hi cancer a thlen theih leh theih loh te an hria em?
Post a Comment
He post chungchanga i ngaihdan lo sawi ve rawh: