Ticker

10/recent/ticker-posts

Bawngkawn tlangval Tuirini kaiah tlahlum

Aizawl | August 1, 2021: Vawiin Aug. 1, 2021 chhun dar 12 vel khan Tv. Lalhriatrenga (26) Aizawl Bawngkawn veng chu Champhai road Tuirini kaiah chesualin tuiah a tlahlum a, chanchin buatsaih lai hian a ruang awmna hi hriat ni tawh mahse, tui a thuk avangin an la lachhuak thei lo.

Thudawn danin Lalhriatrenga hi Bawngkawn-a Sawma courier-a thawk niin nimin khan a thiante pahnih nen Covid 19 test kid leh damdawi dahin Aizawl atangin Champhai an pan a, nizanah Aizawl pana rawn haw let lehin kawnglakah an riak a, Tuirini kaia inchhiah daih an tum chu Hriatrenga hi a kal hmasa a, tuia a lut chu tui zangkhauhin la nghalin a thlang livirah a len lut a, a pil zui ta niin an sawi.

Aizawl to Champhai kawngpui laih zauh hna thawk mek, company hnuaia thawk Mizo ten ruang zawn hna hi an thawk nghal a, a tlakna thlang lawk lungtohlawt hnuai li thuk laia a ruang hi an dap fuh a, a thuk em avangin an chau hman thin a, an la pawt chhuak hleithei lawk lova, mahse, dan dar 8 hnu khan lakchhuah a ni tawh niin niin thudawnna chuan a sawi.

- Vanneihthanga Vanchhawng / Tuirini lam

Post i hmuh dan

Post a Comment

0 Comments