Aizawl | August 4, 2021: Mizoram sawrkar ruahman anga Aizawl khawpui huamchhunga sample test runpui (mass sample test) neih mekah nimin khan sample 2,189 test niin positive pakhat hmuhchhuah a ni.
State Field Laboratory Unit, IDSP, H&FW chuan nimin khan Tlangnuam Veng, Aizawlah test runpui hi kalpuiin 2189 swab sample lak zingah COVID-19 positive mi 1 hmuhchhuah a ni a, positivity rate hi 0.04% a ni.
Dr. Pachuau Lalmalsawma chuan Tlangnuam khawtlang hruaitute, LTF leh mipuiten COVID Appropriate Behaviour zawm kawngah fimkhur taka an tanrual rah a lang a ni, tih sawiin hetianga khawtlang hruaitute leh khawtlang mipuite tangruala an thawhhona hi a entawntlak hle a ni, a ti.
Post a Comment
He post chungchanga i ngaihdan lo sawi ve rawh: