Assembly seat ruak thu thuchhuah chungchang sawihfiah

Aizawl | August 19, 2021: Mizoram Legislative Assembly commissioner H  Lalrinawma chuan Assembly seat ruak a awm avanga notification tihchhuah a nih chhan a hnuaia tarlan ang hian thuchhuah siamin a sawifiah.


Sawrkar dan dinglaiin a sawi angin Assembly Member hmun ruak a awm reng rengin hmun ruak a awm thu hi Assembly Secretary-in Official Notification siam in a copy Governor hnenah leh Election Commission-ah pek tur tih a ni a. Vanduaithlak taka MLA zahawm tak Pu Andrew H. Thangliana chu ni 17.8.2021 (Tuesday) a a boral avangin 4-Tuirial Assembly Constituency (ST) chu seat ruak anih thu Assembly Secretariat-in Notifica- tion No. LA.26/LEGN/2018/1 dt. 18.8.2021 hmangin ni 18.9.2021 khan a ti chhuak a. Notification copy hi Governor-ah leh Election Commission-ah thawn nghal a ni. Hemi chungchang hi Social Media lamah Sorkar chu Assembly seat ruak a awm thu puangzar hma lutuk a puhna leh demna lam hawi ni a ngaih theih thu a awm tih hriat a ni a.

Assembly Constituency seat ruak a lo awmin a hma thei ang bera Notification tihchhuah hi dan in a sawi anga Assembly Secretariat-in a lo kalpui thin a ni. Hun hmasa lamah pawh MLA zahawm tak thin Pu Chawngtinthanga chu ni 16.9.2012-ah a boral a, hemi avanga Assembly seat ruak a awm thu hi a tuk ni 17.9.2012 - ah Notification tih chhuah a ni. Member zahawm tak thin Pu B. Lalthlengliana chu ni 15.4.2013-ah a boral a, hemi avanga Assembly seat ruak a awm thu hi ni 15.4.2013-ah vek Notification tihchhuah nghal a ni. Member zahawm tak thin Pu S. Laldingliana chu ni 3.11.2018-ah a boral a, hemi avanga Assembly seat ruak a awm thu hi ni 5.11.2018-ah Notification tihchhuah a ni bawk a. A boral ni hi Inrinni a nih avangin Office kal leh hmasak ber ni ni 5.11.2018 (Monday)-ah Assembly seat ruak a awm thu hi tih chhuah a ni.

Pu Andrew H. Thangliana, 4-Tuirial Assembly Constituency (ST) bialtu ni 17.8.2021-a a boral avanga a tuk ni 18.8.2021-a Assembly seat ruak a awm thu Notification tihchhuah hi Assembly Secretariat in a tih dan phung reng a ni.

Post a Comment

0 Comments