Assam-a lirthei tangkhangte chhuah dawn; Mizoram House-a tangkhangte lo chhuah tawh?


Aizawl | August 7, 2021: ramria buaina vanga Assam state chhunga Mizoram lirthei tangkhang te chu vawiin tlai hian chhuah vek an ni dawn niin thu dawn a ni.


He thu hi IPR Minister Lalruatkima chuan Twitter-ah a post a, Assam minister hnen atanga thu a dawn danin vawiin tlai hian ramri an kan vek dawn niin thu a dawng niin a post.


Minister hia, "Cachar SP in assurance min pek angin Mizoram House a motor leh mihring tang te chu vawiin dar 3:43 ah kan rawn chhuah tir e...DRC Silchar" tiin Silchara tangkhangte chhuah an nih thu a post bawk.





A hnuaia mi hi Rengkhawpui News , Vairengte a chanchinbu chhuak report a ni. Vairengte lam news kan lakna ber a ni. A hranga dah kher lovin heti hian kan dah a, Youtube an video te lo enin, an channel in lo subscribe ve dawn nia.


Assam-in NH 306 Kawngpui dan ti tawp dawn?
MPCC ten ramri a sipai duty tan thilpek thahnem tak pe

Vawiin Dt.7.8.2021 Inrinni chawhnu dar 1 khan Mizoram Pradesh Congress commitee (MPCC) te chuan an party mi leh sa ten an sum thawhkhawm atanga an lei Buhfai leh chawhmeh bakah damdawi thahnem tak ramri a Mizoram sipai duty tan an hlan. 

 Vawiin khan MPCC te chu Pu Anggu Lalhmachhuana a hovin Vairengte Police Station ah an party hruaitu mi engemawzat te lo kalin ramri a duty te tan a mamawh tur thil hrang hrang hlanna an  nei a. MPCC te sum thawhkhawm hi avaiin ₹ 1,63,675 niin heng sum an thawhkhawm hmang hian ramri a Mizoram sipai te mamawh hrang hrang tur leiin semchhuahna an nei a . Vairengte bikah hian Buhfai 30 bags, Dal 10 bags, Alu 10 bags, Purunsen 2 bags, Tel box 6
Damdawi( nachhawkna, khawthalo damdawi, pum damdawi, ORS) box thum theuh pêk a ni a.
Vairengte jt YMA, Saihapui V YMA leh Phainuam YMA ah tanpuina pawisa an pe theuh bawk. Hengbakah hian an sum thawhkhawm atang hian Chuhvel leh Thinghlun lam pawh pawisa an thawn bawk a ni. Tin, vawiin vek khan Vairengte dai a Assam nen a an inkahna hmun leh Mizoram Police duty post te an tlawh nghal  a. Helai hmun a officer duty te nên ramri dinhmun leh inkahni a lo thlen dan bakah a hmun hma te an fang kual nghal a ni.
  Hetihlai hian vawiin vek khan MJA member thenkhat te chu Aizawl leh kolasib lam atangin Dolai thleng zuk kalin Assam sorkar chuan vawiin tlai hian Mizoram a bungraw phur lirthei te hi an lo luh tir dâwn niin an sawi a. Hetihrual hian tun dinhmunah erawh Vairengte kaltangin bungrua phur lirthei hi lût a la awm lo thung a ni. Vawiin chawhnu lam khan Silchar Mizoram House a motor 9 tang te erawh rawn chhuah in hêngbak hi rawn chho ala awm lo a ni.


Rengkhawpui news





Post a Comment

0 Comments