Kolasib | August 21, 2021: Zophai Lei nimin lama Assam Police-te'n hnathawk an tihbuai avanga hna chawlhsan chu, vawiin lam khan Mizoram Police venna hnuaiah hna chhunzawm leh nghal a ni.
Contractor hian hna an thawh dawn hian DC Kolasib-in security pek a tiam thu sawiin, boruak tha lo engmah a awm loh avanga ngai reng a hna tan leh ta mai an nih thu a sawi a, Assam Police-in an tihbuai lai hian a awm loh avangin, hnathawkte chu an lo chawl ta ringawt mai niin a sawi bawk a ni.
Hailakandi DC chuan DC Kolasib hnenah Zophai Lei dawhna bul a Mizoram Police an awm teuh chu complaint a rawn siam tawh a, DC Kolasib chuan "Assam Police-in hnathawk an tibuai tawh lovang" ti a Hailakandi DC in a tiam theih loh chuan Mizoram Police te laksawn theih an nih loh thu in a lo chhang a ni.
Zophai Lei dawh bulah hian Magistrate Bairabi bakah SDPO Kolasib te leh Mizoram Police hnathawk tihbuai an nih avang hian an awm mek a, thubuatsaih lai hian Assam Police lamin buaina an rawn siam hriat a la ni lo.
(Buaina hmun hi kan zuk tlawh zo chiah a ni. - Zmp Tlau 3:30 PM, August 21, 2021 )
Post a Comment
He post chungchanga i ngaihdan lo sawi ve rawh: