Govt T Romana College Miss 2021 Sabina Hmar

Govt T Romana College Miss 2021 Sabina Hmar kan belchiang!


Govt T Romana College Miss 2021 Sabina Hmar tia hriathlawh hi a laiah hming chu Sabina H.Lalthazuali a ni a, Vanlalhriatpuii leh Zirtluanga fanu niin March 23, 2001 khan a lo piang.

Sabina Hmar  te hi unau paruk; mipa pali leh hmeichhia pahnih an ni a, Sabina Hmar  hi a pathumna a ni, Maubawk veng, Aizawl-a cheng leh khawsa niin, Presbyterian Kohhrana lawi an ni.


Sabina Hmar-in EXPLORE MIZORAM zawhna a chhannate lo thlir ve rawh.

• Zirna lam: Pawl 10 hi 2018 ah leh Pawl 12 hi 2020 ah Synod Higher Secondary School, Mission Vengthlang atangin ka pass a. Tunah hian Govt T Romana College-ah kalin, B.A (Economics) 3rd Semester  zir turin ka inbuatsaih mek a ni.

• Hobby: Lehkha chhiar

Designer: Zothani Tochhawng

I duhzawng leh ngainat zawng hrang hrangte?
• Lehkhabu duh: If it's Not Forever
• Actor/Actress: Hero Fiennes Tiffin
• Zaithiam: BTS, Little mix
• Chawhmeh: Arsa
• Hla : Hriatchian leh zual che ka duh.
• Hmun: Hmun thengthaw nuam tak.
• Rawng: Black leh Purple
• Ziaktu: Durjoy Datta, Nikita Singh


Mize ngainat zawng: Mi hriatthiam na ngah tak, a hmun leh a hun a zira in siam rem thiam mi, mi putling tak, fiamthu ngaina tak.

• Mize ngainat loh zawng: Mi huat tur zawnga tawng ching, mi rel ching.

Kawppui tura duhzawng?
- Engkima min tawiawm thiam mi, min fuih tlat tu.

Relationship status: ___

Aim in life: MCS


Govt T Romana College Miss 2021 thlannaa tel chhan?
- Kan hruaitute leh kan zirtirtu te min sawmna ti hlawhtlingin Miss ah hian ka tel ta a ni.

Govt T Romana College Miss 2021 nih hi i inring reng em?
- Aih, ring lo deuh, contestant dangte en phei chuan ka tlin hi ka inring lo.

Govt T Romana College Miss 2021 in i nuna nghawng a neih?
- Mahni inrintawkna nasa tak min pe a, Pathian a innghah ngam pawimawhna min pe nasa a ni.

Modelling lam hi i tui reng em?
- Tui em em pawh ka hre lo, ka ngaihtuah loh lam tak a ni.


Zawhna dang::
1. A tel lova i awm theih loh: Pathian

2. I nun kaihruaitu: Pathian thu

3. Hringnuna i hlauh ber: Midang rinna hloh

4. I tih ngai miah loh tur: Midang hmuhsit 


5. Mizo Tualzal nuna ṭha i tih: Mizo tlawmngaihna

6.  Quote i duh ber:
"There is no substitute of hardwork and there is no shortcut to success."

7. Mizoram leh Mizo tualzal nuna Mizo hmeichhiate dinhmun:
- Mizo hmeichhiate hi kan dinhmun hi a sang tawh em em a, kawng engkim ah hian mipa te ai san na kan nei tam tawh em em chumi karah chuan keimahni a din tumna rilru kan neih tam a pawimawh in ka hria, mipa kuta in nghat tawp lo a mahni a din tumna rilru kan put a pawimawh a ni.


8. Hnam hmingṭhat leh hmingchhiat kawngah Hmeichhiate'n mawhphurhna:
- Mahni hnam pui ngei pasal ah neih tum tlat ila, kan hnam tawng pawh zahpui lo in humhalh tlat ila, ram dang hmun dangah pawh awm ila kan mizo nihna hloh lo ila chhawm nung zel ila hengte hi hnam hmingthat leh hmingchhiat kawnga hmeichhia te mawhphurna niin ka hria ni.

9. Hnam ziarang chawinun kawnga Hmeichhiate mawhphurna:
- Kan hnam thil te bakah hnam zia rang hre rengin chawi nun zel tum ila, kan hnam tih dan phung tlawmngaihna leh huaisenna te hi chawinun zel tum ila a tha in ka hria.



10. Mizote tan 'Fa neih tlem' inzirtir hi a ṭulin i hria em?
- Mizo te hi kan la tlem em avang hian fa neih tlem inzirtir hi tul na awmin ka hrelo, an chawm thei a, an enkawl tha thei nih phawt chuan neih tam a tha ka ti.

11. Mizo hnam ṭhanmawh bawk nia i hriat?
- Mizo te hi kan taima tawk lo a, kan tih tum ah chiang si loin kan then kual nasa a, tum na tak tak hi kan nei lo hei hi kan hnam thanmawh bawk niin ka hria.


12. Mizo hnam damna atana  kawng awm nia i hriatte?
● Inpumkhatna neih,
● Inlungrual na neih,
● Pathian tih tlatna neih te kan neih hian kan hnam a dam ngei ang.

13. Hnam chhan nana Hmeichhiate ṭangkaina leh mawhphurna?
- A hmasa ber atan kan hnam pui ngei pasala neih hi a pawimawh a, kan mipa te chunga in nghat lutuk loin mahni a din tumna  kan neih tlat hi hnam chhan nana kan pawimawhna leh kan tangkaina te an ni.

Designer: Zothani Tochhawng

14. Zirna, Khawtlang leh Kohhran hi?
- Khawtlang leh Kohhran a in hman hi a tha em em a, mahse zirlai kan nih chhung chuan in hman chin tawk neih hi a tha in ka hria.

15. Khawtlang, Kohhran leh nangmah:
- Khawtlang leh Kohhran ah hian zirlai nih chuan in hman tak tak hi a la har a, beisei kan phak loh chang te pawh a awm a, mahse in hman tluka tha hi chu a awm chuang lo, in hman dan thiam hi a pawimawh a ni.

16. Social Media leh Nangmah:
- Social Media ah hi chuan ka in hmang em em lo a, hei pawh hi hman dan thiam chuan a tangkai in hlut na tam tak a nei a ,kei ngei pawn ka hmang tangkai em em a, a that na lam in hrilh tam hi a pawimawh ani.


17. Mizoram ṭhalai tam tak tlakchham:
- Mizorama thalai te hian kan tlakchham nia ka hriat chu tum mumal tak kan neih lohna niin ka hria.

18. Mizo ṭhalaite hian ngaihsan tur dik an ngaisangin i hria em?
- Mizo thalai tam zawk hi chuan ngaihsan tur dik kan ngaisang tawk loin ka hria.

19. Ngaihsan tur dik nia i hriat: 
- Ngaihsan tur dik nia ka hriat chu mahni tuma chiang mi, hnathawh kawnga mi rinawm leh rintlak te hi an ni.

Designer: Zothani Tochhawng

20. Hlawhtlinna tura pawimawh: 
- Taimak na leh Pathian tih leh a thu anga nun hi hlawhtlinna tura pawimawh niin ka hria.

21. Hloh i hlauh ber: 
- Midang rinna hloh leh Pathian tih lohna hi hloh ka hlau ber.

Photographer: ZK Photography

22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?:
- Zo hnam inpumkhatna hi a thlen theih ka ring a, chumi tur chuan Pathian kaihhruaina hnuaia nun ho hi a pawimawh hle in ka hria

23. Hnam dang nupui pasal neih hi:
- Hnam dang nupui pasal a neih hi kei chuan an in hmangaih phawt chuan pawi ka tilo a, nei an nih pawhin Pathian an tih na leh an hnam zia te hloh lo se ka ti.


EXPLOREMIZORAM.COM i hmuh dan:
- Explore Mizoram hi Mizo mipuite tan a tangkai em em a, kan hriat loh tam tak min hrilh tu leh kawhhmuhtu a ni a, a bengvar thlak in kan hlawkpui hle a ni.
In kal leh zel na turah duhsakna sang ber ka hlan a che u.♡

th; text-align: center;">
















Founder/Editor
Explore Mizoram


(Feedback at: admin@exploremizoram.com )






[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post