RAMRI | A ṭul ang zela hma la turin sawrkar a inpeih - Home minister

Aizawl | July 12, 2021: Mizoram Home minister Lalchamliana chuan vawiin khan assam nena ramri buai chungchangah MINECO-ah thuthar thehdarhtute kawmin, Sawrkar ngaihdan leh dinna a sawi.


Home minister chuan, "Ramri buaiah hian thal thlah hmasatu nih tha kan ti loa, amaherawh chu, a ṭul ang zela hma la turin kan sorkar hi a inpeih," a ti a. Ramri venghim tur leh mipuite thlamuan turin a hmunah police ṭhahnem tak an awm thu sawiin, a ṭul dan a zirin sipai tam zawk an inralrin reng thu a sawi.

Home minister chuan, "Inkah loh hram kan duh, a tul anih erawh kan inkap ang." a ti.


Home Minister Pu Lalchamliana chuan, ramri buai chungchangah Mizoram chuan tha thlah hmasatu nih a duh lo a, a tul ang zela hma la tur erawh chuan a inpeih reng tih a sawi.

Ramri buai avanga Assam nena inepna thleng mek chungchanga Mizoram sorkar ngaihdamn leh ruahmanna thuthar thehdarhtute hmaa vawiina a puannaah Home Minister Pu Lalchamliana chuan, tun hnaia Assam lamin ramriah buaina leh harsatna an rawn siam thar leh chu an dem takzet tih a sawi a, kar kalta inrinnia Buarchep rama Mizo huan leh thlai tihchhiat a ni chu, inzah lohna lian tak a ni a, huan neitute thlai an tihchhiatsak zangnadawmna pe turin Assam sorkar a phut.

Home Minister chuan ramri buaiah thla thlah hmasatu nih duh lo mah se, hmala turin a inpeih reng tih a sawi a, tunah hian Mizoram Police thahnem tak dah belh an ni a, an mamawhte pek zel an ni ang, a ti.

He hun-ah hian home minister hi School education minister Lalchhandama Ralte, I&PR minister Lalruatkima leh Serlui bialtu MLA Lalrinsanga Ralte te'n an telpui bawk a ni.



Home minister thusawi tlangpui:
• Tun hnaiah Mizoram leh Assam inrinaah Assam-in hma thar lain buaina leh harsatna an rawn siam thar leg hi ṭha kan ti lova, kan dem takzet a ni.

Kar hmasa lamah khan Pu Chalchhunga Buarchep khaw huan thlaite tichhiain hma an rawn la a. Mihring eizawnna in tihchhiatsak hi a vanduaithlakin a inzahloh thlak kan ti a  a awm tawk compensation pe turin Assam sawrkar hi kan phut a ni. Hei hi a hlawhtlin theih nan Mizoram sawrkar pawhin theihtawp chhuahin a bawhzui ang.

• Ramri buai chungchangah thal thlah hmasatu nih hi ṭha kan ti lova, amaherawhchu, a ṭul ang zela hma la turin kan sorkar a inpeih a ni.
• Ramri venghimna mipuite thlamuan turin kan police te a hmunah ṭhahnem tak an awm mek a. A awm sate a ṭul anga tichak tur leh pui turin tunah hian kan theih anga tam thawn belh an ni a, a ṭul dan a zirin a dangte pawh inralring tura tih an ni.
• Tunay huan ramria kan police duty mekte mamawt ang ang pek mek zel an ni a, a ṭul angin sorkar pawhin an mamawh a ngaihtuahsak zel ang.
• Ramri buai avanta eng eng emaw harsatna a lo awm a nih pawhin, mipuite tuarchhel taka awm turin ka chah duh a ni.
• Ramri buai chungchang hi mimal emaw pawl eng emaw hmingṭhat lak tum emaw inchirtheh nen emaw a hman tur chi a ni lova. Hnam anga kan ṭanrualna tur chi a ni.
• Assam nena kan ramri buai chungchangah hian sawihona nei turin chief minister zahawmtakin All party, NGO leh MKHC te joint meeting July 14 hian a kova. Hetah hian lungrualna ṭha tak kan neih theih ka beisei a ni.

Post a Comment

0 Comments