Rajya Sabha MP K Vanlalvena'n ramri a tlawh

Aizawl | July 12, 2021: Mizoram leh Assam ramri khua, buaina thlen fona Vairengte, Phainuam, Saihapui V leh Buarchep chu vawiin khan Rajya Sabha MP Pu K.Vanlalvenan a tlawh a, thil awm dante enfiah a, Mizoram Police leh mipui thlamuan tura kal a ni.

Pu K.Vanlalvena chuan heng hmunahte hian thusawiin, nimina Chief Minister hova meeting ah, Aitlang a ni emaw, Buarchep a ni emaw, henglai vela inkalpawhna kawng siamthat ngai awmte chu ngaih pawimawh hmasak ni se an ti tih a sawi a. Tuna mamawh hmasa Police Camp-te pawh Silpauline chauh ni lo, rangva leh hmanraw tha zawka cheibawl thuai tum a ni, a ti ahelai buainaah hian sorkar a tawlh ngai lo ang a ti. 
Ram leh hnam chhan tur hian tam leh tlem lam a ni lo va, tun thlengin Mizote Hnam huaisen an nihna a la bo lova, tunah hian inkah rup rup lam sawi ni lo mahse, Assam-ho hian an rawn tihbuai ngam leh tawh lohna turin an inbuatsaih a, hei hi mi va cho leh vauna erawh a ni lo, a ti.
Henglai hmuna Police Duty-te leh khawtlang hruaitute hnenah phai khawlum karah ram leh hnam hmangaihna avanga duty-te chungah lawmthu a sawi a. Duty-te hian Mobile Phone Signal chhiat thu te, kawng leh electric lama an harsatnate lo hrilhin theihtawp a chhuahpui tur thu a hrilh a ni. 
MP hian Buarchep, Phainuama Police Duty-te inkulhna turin Silpauline engemaw zat a pe a . Heng lai hmuna khawtlang duty-te thingpui inna tur pawisa a pe bawk a ni.

Post a Comment

0 Comments