Aizawl | July 16, 2021: Health minister Dr R Lalthangliana hova nimina thukhawm chuan, Mizoramah vaccine dose 701646 pekchhuah a nih tawh thu tarlan a ni.
Meetingah hian July ni 14, 2021 thleng khan Mizoramah vaccine dose 701646 pekchhuah tawh a nih thu tarlan a ni a. First dose la mi 591778 leh awmin full dose la mi 109868 an awm tawh a ni. Electoral roll thar ber atanga chhutin Mizoramah vaccine la thei (kum 18 chunglam ) mi 775106 an awm a, heng zinga mi 76% hian vaccine an la tawh a ni.
Vaccine pekchhuah kawngah Mizoram chu India rama a titha ber 6 na a nih thu tarlan a ni a, a titha zual State/UT 6 te chu an tihthat dan indawtin hetiang hi a ni :
1. Dadra and Nagar Haveli and Daman and Diu
2. Ladakh
3. Sikkim
4. Lakshadweep
5. Goa
6. Mizoram
Post a Comment
He post chungchanga i ngaihdan lo sawi ve rawh: