Kopang lung tlain delh vangin tlangval pakhatin nunna chan

Aizawl | July 2, 2021: Durtlang leitan leh bawngkawn inkara kopang lung tlain delh vangin tlangval pakhatin nunna chan.


Thudawnnain a tarlan danin, Tlangval Jonathan C.Lalruatfela (38) s/o Rev. C. Lalsangliana Aizawl Falkland Veng chu nizan dar 10:30 vel khan Durtlang Hospital-a a nau damlo awmpui bike-a a haw lam leitan pelh thlak kawi thumna velah kawng chhak atanga lung rawn tlain a delh a, a hliam tuar lovin a boral.




Jonah delh tu lung hi a lian tham hle mai a, arbawm lian tha tak tiat vel niin an sawi. A hmu hmasatu ten Durtlang Synod Hospital an pan pui thuai a, damdawi in an thlen hma hian a chat thla hman niin an sawi.  



Jonathan hi a kawng achin hnuailam lung hian a delh chhe hle a, a lu lam erawh a him viau niin an sawi. 

A ruang hi postmortem a ni anga, vawiin chawhma dar 11-ah vui tur a ni ang. Jonathan C. Lalruatfela pa Rev. C. Lalsangliana hi Synod Moderator te pawh lo ni tawh pastor fel leh chhuanawm tak a ni.

Jonathan C. Lalruatfela hi Fire & Emergency Services department-ah Fireman-in a thawk a, Hqrs. ah computer lam hna khawihtu ber a ni.

Post a Comment

0 Comments