July 20 hian AMC huamchhhung Veng paruk-ah test runpui kalpui dawn

* MOT Chairman Dr ZR Thiamsanga MLA hovin AMC huam chhunga Mass Testing kalpui dan tur rel

 

Aizawl | July 19, 2021: Vawiin khan Sawrkar rauhmanna bawhzuiin Health and Family Welfare Board Vice Chariman leh Covid 19 Medical Operational Team Chairman Dr. ZR Thiamsanga MLA,  kaihhruainain Health Department hotute leh Covid 19 Medical Operational Team(MOT) tang kawp te chuan AMC huam chhungah Lockdown laia Test Runpui neih dan tur uluk takin an ngaihtuah.

Ruahman ang chuan naktuk July 20, 2021 atang hian Covid 19 Test Runpui chu heng veng hrang hrang Chhinga veng chuanhnuai, Armed veng South, Saron veng chhim lam Khuangchera Section, Bethlehem Vengthlang,  Electric Veng leh Tuirial ah te neih tum a ni.

Inrinni kalta lam khan MOT leh Chief Medical Officer Aizawl West tangkawp te chuan Chanmari West ah Test Runpui hi hlawhtling takin an lo nei tawh bawk. 

    Mass Testing Runpui neih dan tur ngaihtuahnaah hian Principal Director, Health Department, Director Health Services, Director DHME, State Nodal Officer leh Health Department mi paeimawh tak tak te an tel a ni. Ruahman ang chuan hun reilo te chhungin Aizawl khawpui chhung eh a chhehvel hri kai tamnaah Test Runpui hi neih zawh tum a ni