Ticker

10/recent/ticker-posts

ISRAEL THIAMNA AVANGIN VAWIIN DT 22nd JULY 2021 NINGANI PARLIAMENT SESSION KAN CHAWL THUAP A NI BER MAI E

By K Vanlalvena
MP(Rajya Sabha).

Vawiin Parliament Session vawi 254 na Monsoon Session ni thumna chu Israel company *Cyber arms firm NSO Group* te thil siam chhuah *Spyware Pegasus* hmang dik lova inpuhna avangin Parliament House Rajya Sabha chu tum thum ngawt tihtawp niin chawhnu dar 2.10pm vel khan vawiin atan session tihtawp a ni.




Kan hriat theuh angin tunlai hian khawvel ram hrang hrang  politicians ten inbeihna atana an vawrh lar thil pakhat a awm a;chu chu *Israelte thil siam chhuah,midangte phone ngaihthlak ruk theihna hmanrawchangkâng  chungchang a ni*

France ram khawpui Parisa inbengbel tlawmngai pawl pakhat *Forbidden Stories* an tih chuan tun hnai khan khawvel ngaihven hlawh tak thu an tichhuak a.An thuchhuahah chuan khawvel ram hrang hranga mi sing nga(50000) te phone chu Israelte siam *Spyware Pegasus* hmanga chhui rûk mek an nih thu tarlan a ni a.Heng phone number chhui lai mekte zingah hian India mi zathum (300) chuang an tel thute an ziak tel a.Chung India mite phone call,text,whatsapp enthlak ruk mekte zingah Congress MP lar tak Rahul Gandhi a number te leh India ram Minister pahnihte phone number a tel thu te leh India rama Journalist mi 12 te bakah sumdawng mi engemaw zat an tel thu Forbidden Stories ho thuchhuahah chuan tarlan a ni.

He thu hi Parliament Session kal lai mekah Opposition MP te chuan tuialh thei man sang lutuk nen an auchhuah pui nasa hle a ni.

Vawiin chawhnu dar 2.10pm vel khan Spyware Pegasus chungchang sawifiahna thu statement  chhiarchhuak turin Union Minister of Railway,Communication&Electronic,Information Technology changtu  Pu Ashwini Vaishnaw chu Rajya Sabha Session neih mekah a lo ding chhuak a.A sawifiahna paper(Statement) chu a chhiar zawh hmain opposition MP ten a kut ata pawh thlak sakin an pawhthler sak a.Nasa takin an au bengchheng zui bawk  a,Chairman thutna bawhbuai zawngin an inhawr khawm tuau tuau a,Meeting Chairman Rajya Sabha Deputy Chairman ni lai Pu Harivansh Narayan Singh chuan vawiin atan Session a titawp nghal a,House a chhuahsan nghal bawk a ni.

Chairman chhuah hnu hian opposition MP thenkhat chu IT changtu Minister Pu Ashwini thutna lamah huan lokalin an au khum ta a.Rulling MP thenkhatin Minister thlavang an lo hauh thung a,tlema tlemah inphek sual a thleng thelh a ni.Security engemawzat lo tlan lutin Minister chu an rawn din hliah ta thuai a,boruak a dai zui thei ta chauh a ni.



*Mizoram Rajya Sabha MP huhang ngah tak Pu K Vanlalvena hian, Khawvel Democracy lian ber(Largest democracy) *Indian Parliament*  ah myanmmar refugee chungchang a sawi chhuah te kha Indian chanchinbu kian, Times of India(TOI), The Hindu, Hindustan Times, Indian Express, ten uar takin a rualin an ziak chhuai chhuai tawh a nih kha. hunkal tawh a Mizo MP te tih ngai loh tiin a ma FB Timeline-ah Parliamment rorel inkhawm dan tlangpui a ziak zel peih hi a fakawm hle. A bik takin Mizo zirlaite tan a ṭangkai ngawt ang.
Post i hmuh dan

Post a Comment

0 Comments