Health minister-in Assam rifles hnuaia free coaching kal MNS entrance exam turte vailiam

Aizawl | July 25, 2021: Mizoram Health minister Dr R Lalthangliana chuan Assam Rifles hnuaia Mizo zirlai MNS coaching kal exam pea Guwahati kal turte a vailiam.


Zirlaite thlahna hun tawi hmanah thu sawiin Health minister chuan, zirlaite chu theihtawp chhuaha bei turin a chah a, hlawhtlinna chang ngei turin duhdsakna a hlan bawk.


Tin, Health minister chuan, Mizo mipuite tana Assam Rifles-te inpekna leh thil tih chu tha leh ropui a tih thu a sawi bawk.


Assam Rifles chuan Military Nursing Services exam tur atana inbuatsaihte tan free coaching hi March thla atang khan kar ruk chhung khan an kalpui a, zirlai 60 chuangin a thlawnin MNS exam atana inbuatsaihna hi an dawng a. Mahse, hripui avanga harsatna hrang hrang vangin zirlai tam zawkin exam hi an hmachhawn thei dawn lova, kal thei lo zingah hian COVID-19 positive avanga kal thei lo tur mi pariat an awm bawk a ni.


Minister hian Assam Rifles hmunah hian thing a phun nghal a. Health minister hi Health Secretary leh official dangte'n an tawiawm a ni.

MNS Free coaching atan hian Assam Rifles chuan he an thil tih a hlawhtlin nana lo puitu MZP chungah lawmthu an sawi a ni.

Tunah hian Assam Rifles hmunah hian 2nd Lakhimpur Battalion te an awm mek a ni.

Post a Comment

0 Comments