COVID-19 | July 23 khan hripui vangin mi pathum boral; Hripui vanga boral 134 tling tawh!

Aizawl |July 23, 2021: Vanduaithlak takin nimin khan hripui vangin mi pathumin nunna an chan a ni.

 

 Vanduaithlak takin Pu Ebenezer (37), Vaitin khua chu vawiin July ni 23, tlai 5:45 khan COVID19 vangin ZMC-ah a boral. July ni 13 khan hri a kai tih hriatchhuah niin July ni 16 khan ZMC-ah admit a ni.

 Vanduaithlak takin Pu SK Das (74), Tuirial chu vawiin July ni 23, dar 6:50PM khan COVID19 vangin ZMC-ah a boral.

July ni 13 khan hri a kai tih hriatchhuah niin July ni 16 khan admit a ni.

 Vanduaithlak takin Lalruatfeli (14), Bungkawn Vengthar chu vawiin July ni 23, dar 9:40PM khan COVID19 vangin a boral. July 21 khan hri a kai tih hriatchhuah niin mahni inlamah an inenkawl a ni.

Heti hian vawin zing dar 7 thlenga sawrkar report atanga a lan dan chuan Mizoram chhungah hripui vanga nunna chan mi 134 an awm tawh a ni.

Tun dinhmun-ah hri vei hmuhchhuah tawh zawng zawng hi mi 31,145 an tling tawh a, heng zinga 16,898 hi mipa niin, hmeichhia 14,247 an ni thung.

hri vei mek 8,107 niin, dam tawh mi 22,904 an ni a, nunna chan hi mi 134 an tling tawh a ni.

* Hri vei 500 chuang awmna district thum awm mek!

* Hri vei 100 chuang awmna district ruk awm mek!

Hri vei tamna ber Aizawl district-ah mi 5,421 an awm mek a, Lunglei district-in dawtin mi 950 an awm a, Kolasib district-ah 757, Lawngtlai district-ah 397, Mamit-ah 297, Siaha-152,Champhai-ah 82, Serchhip-ah 37, Saitual-ah 8, Khawzawl-ah 3, Hnahthial-ah 3 te an awm mek a ni.