BJP Mizoram president-in ramri buai chungchang chingfel turin Union Home minister ngen

Aizawl | July 29, 2021: BJP Mizoram Pradesh President Pu Vanlalhmuaka chuan, Dt 28th July 202, nimin khan Union Home Minister Pu Amit Shah hnenah Assam-Mizoram Border issue chungchangah lehkha a thawn a, ramri buai chungchang chinfel sak turin a ngen.

Union Home Minister Office pawn lehkha hi an lo dawng a, Pu Hmuaka hian a lehkha thawn an hmuh vat theihna turin, WhatsApp hmang leh call hmangin a bawhzui nghal bawk a ni.

BJP Mizoram chuan Border issue reng reng ah Mizoram Sorkar hmalakna theihtawp chhuaha thawhpui an intiam ang ngei in an theihna kawng hrang hrangah na takin hma lak zel an tum a ni.

A hnuaia mi ang hian lehkha thawn a ni e.

To,

     Amit Shah ji,

     Honorable Union Home Minister, Govt of India.

     Subj: Assam - Mizoram inter State Border ah buaina a chhuah fo lo na tur a permanent Solution min siamsak tur a ngenna.

    Ka pu,

               

               BJP Mizoram Pradesh hmingin chibai ka buk che a.

              A hmasa berah chuan kan Prime Minister chak tak Pu Narendra Modi kaihhruaina hnuai ah India ram leh India hmarchhak State te tana hmalakna hi BJP Mizoram Pradesh chuan kan chhuangin,lawmawm kan ti hle a ni. India leh india hmarchhak state te tana i thawhna zel tura BJP Mizoram Pradesh chuan ka thlawp tlat che tih hi ka sawi duh a ni.

Chutih rualin, tunhnai 26th July 2021a Kolasib District chhunga Vairengte khua a, Assam - Mizoram inter State Border Dispute buaina avanga India Citizen te nunna chan leh hliam an awm erawh a pawi ka tiin, kan tawrhpui tak zet zet a ni. Hetiang thil duhawmloh hi a thlen leh tawh ngailohna tura a rang thei anga Socio-Cultural and Historical aspects enchunga Assam-Mizoram Border hi a rang thei ang ber a Amicable Solution min siamsak thuai turin ngenna ka rawn thlen a ni e.

Pahnihna-ah chuan, I hriat angin  Mizoram leh India Hmarchhak State thenkhat te Covid 19 hripuiin nasa taka mintihbuai lai leh, State mipuite leh Sorkar pawhin damkhawchhuahna buaipui a, agenda dang reng reng buaipui hleithei lova, hreawm leh beidawng taka kan awm lai a, Assam - Mizoram Border ah Status Quo maintain tura tihna hmun vela, Assam State Sorkarin Assam Armed Police Force te tir a, Mizo thenkhatte huanthlai ti chhe zawng leh Peace & Tranquility awm mek ti chhe zawng a hma an rawn lakna hi pawi ka tiin, hetiang hi  "the most peaceful state in India," India rama state awm chhunah a thlen leh tawh lohna tura," Permanent Solution min siamsak turin ka ngen a che.

Pathumna ah chuan 27th July 2021 a Assam CM Press Briefing a Assam- Mizoram Border ah Commando 4000 kan deploy ang tia a sawi phei hi chu a pawi ka tiin, Good thinking Citizen/Law abiding Citizen-te min barakhaih hle a ni. Kum 1966 laia Mizo insurgency lo chhuahna bul kha uluk taka i chhuikir chuan, Mizo District a Bamboo Flowering avanga tam namenlo mizo mipuiten an tawrh lai a, Khatih laia Assam Congress Chief Minister in Mizo te thamlo tak leh diriam tak a a treat avang a lo chhuak ani tih kha itheihnghilh loh ka duh a ni. "One India, Strong India," din tur a kan Prime Minister Narendra Modi hova ke kan pen chhoh mek lai a, Assam Chief Minister in Mizoram State Indian Union zinga pakhat chu, China emaw Pakistan emaw bei tur ni awm taka commando 4000 ka din ang a, Assam - Mizoram State border ah ka deploy ang a han tih hian, BJP Chief Minister tawngka tur ni thei ah ka ngailo mai nilovin, a zahthlak ka ti tak zet zet a ni. Heta a Statement avanga India hmarchhak ah leh a bikin Mizoram-ah thil duhawm lo zawk a thlenlohna tura hma la vat turin thinlung takin ka ngen che  a ni.

A tawp berah chuan, kan Prime Minister chaktak Pu Narendra Modi kaihhruaina hnuaiah India mipuite," Sabke Sath, Sabke Vikas and Sabke Viswas," National Highway a kan kal mup mup a, khawvelin min thlir thup laia, NE State ramri buai avanga, kan India ram hmelhem tur hi BJP Mizoram Pradesh te chuan kan phal lova, kan duh ngai dawn lo ani tih hrilh chung che in, a rang lama chinfel ngei duhi , he lehkha hi ka rawn ziak a ni e.

I hmalakna beiseina sang tak nen tawngtai chungin ka lo thlir e.

Yours Sincerely,

(VANLALHMUAKA)

    State President

BJP Mizoram Pradesh

Aizawl Mizoram.