Aizawl North II bialtu MLA Dr Vanlalthlana'n Ramhlun South YMA tan lehkhabu hlan

Aizawl | July 17, 2021: Aizawl North II Bialtu Dr. Vanlalthlana chuan vawiin khan a bial chhung YMA Ramhlun South Branch Library tan lehkhabu thahnem tak a pe.


Lehkhabu hlanna hun tawite buatsaihah Dr. Vanlalthlana chuan a MLA fund hi thalaiten chang tam ber se a duh thu a sawi a, Infrastructure te hi reilo te a chhe thei an ni a, Lehkhabu leh thiamna hi chu hun rei tak daih a nih avangin hemi lama hmalak nasat a tul thu leh hmachhawp lian tak tak a neih mek thu a sawi.


Dr. Mathlana hian phai lama publishing house lian te nen thawhhona tha tak an siam thu sawi telin, a bikin competitive leh common entrance exam tura thalai inbuatsaih te tan nasa zawka hmalak pui zel a tum thu a sawi bawk. 



Ramhlun South Branch YMA Library te hian nikum Lockdown tirh atangin Kawtkai Library (Doorstep Library) kalpuiin SOP zawm chungin Lockdown laia hunawl hnawhkhahna atan vengchhungah lehkhabu hawhtheihin an lo kalpui tawh bawka a, Bialtu MLA hian library tihchangtlunna atan hma a lo lakpui tawh thin bakah tun tum atan hian lehkhabu tha thlanchhuah 180, cheng sing 6 chuang man a hlan leh a ni.

Post a Comment

0 Comments