Zirtirtute ṭawng hre thei lo Subject pali-a letter hmu HK Lalrinawmi

Tun ṭum MBSE hnuaia HSLC result chhuakah khan H.K Lalrinawmi (17) D/o Lalpiangliani, Diakkawn Kolasib chu Distrinction-ah pass-in Subject pali; English, SS,  Science leh Mizo ah te letter a hmu. 

Lalrinawmi hi Govt. Kolasib High school a kal a ni a, a beng a that loh avangin class a an zirtirtute thusawi pawh a hre ve ngai lo. Lehkha a zir peih hle a, tawng a hriat theih loh avangin lehkha zir lamah a tuan a, exam lai phei chuan a mu hman meuh lo niin a chhungte chuan an sawi. 

Mizo zingah bengthalo chunga Distriction a pass hi sawi tur an vang hle.

= Amah hi a special em avangin a thlalak kan han dah tel a ni.

- ZMP Tlau

YMA hruaitute'n an lenchilh

HK Lalrinawmi D/o HK Ramchullova, Diakkawn Kolasib.

Unau pathum niin, û hmeichhia pakhat leh nau mipa pakhat a nei a. 2004 kum khan lo piangin, kum 10 mi vel a nihin, a beng hi a sawisel tan a, zawizawi in a beng hriatna chu zualzelin tun dinhmunah chuan ri engmah a hre thei tawh lo.

Middle School hi Vairengte ah kalin, Class viii hi Chawngfianga MS, Saidan Kolasib ah a zawm a, High School erawh Govt Kolasib HS ah a kal. 

Class x hi nikum khan a exam tawh a, a vanduai hlauh a. Mathematics hi harsa a ti zual deuh bik a, classroom explain engmah a hriat ve theihloh avangin, amahin a in zir chawp a, achawk ve thin a, a thiamloh tawpah erawh thiante leh zirtirtute a zawt mai thin. Subject dang hi chu theih angangin a by-heart mai thin a,  hriat thiamloh erawh chu ziakin zirtirtute a zawt mai thin. 

A lehkha zir dan tlangpui chu zinglamah hian darkar 2 te zirin, zanlamah hian ka thiam chak zawk avangin ka zir rei tlangpui a, exam lai phei chuan tlaivara zir chang ka nei a ti.

A zir zel dan turah, a têt lai atangin Doctor nih a chakber thu a sawi a, hetiang dinhmuna ka lo din takah chuan ka chakber hi ka ni thei dawn em? ka sawi mai thei lova, engpawhnise, zir chhunzawm zel erawh ka tum a, ka subject lâk tur erawh ka la sawichiang thei lo tiin, medical lam zir erawh a chak thu a sawi.

Anu leh pate hi kuthnathawka eizawng anni a, a chhungten an buaipuina leh School lam a zirtirtute tanpuina zara tun dinhmun thle g thei anih thu a sawi a, an zavai chungah lawmthu a sawi bawk.