Serchhip-ah zan pawnchhuah khap

Aizawl | June 14, 2021: Mizoram Sorkar thuchhuak No.B.13021/101/2020-DMR/Vol-IV dt.12.06.2021 bawhzuina atan leh Serchhip District mipuite COVID-19 hrilêng laka kan him theihna turin Serchhip District magistrate Pu Kumar Abhishek, IAS chuan Section 144 of Cr.PC 1973 tlawhchhanin zan pawn chhuah khapna thupek a ti chhuak.

DISTRICT Headquarters chhungah, zan dar 07:00 PM leh zing dar 4:00 AM inkârah pâwn chhuah khap tlat a ni a, he thupek hian a hnuaia tarlante hi a huam lo ang:

1. Magistrate leh Police duty.

2. District Level Task Force on CoVID-19 member-te.

3. Army, BSF, Assam Rifles leh paramilitary forces duty-te.

4. Hospital-a thawk doctor, nurse leh thawktu dang night & emergency duty-te. 

5. PHE, PWD, P&E, Fire and Emergency Services leh Excise & Narcotics Department leh Jail-a thawk, duty neite.

6. Print & Electronic media lama thawkte.

7. Village Level Task Force on COVID-19 duty-te.

8. Medical emergency leh damlohna thil leh chhiat tawh thila veng danga kal ngai, an veng VLTF-te lehkha keng.

9. Essential commodity phurte.

10. District Magistrate/Addl. District Magistrate/ Sub-Divisional Officer (Sadar & Civil)-in a bika phalna a pekte.

He thupêk hian District Magistrate, Serchhip District Order hmasa No.J.12017/2/2020- DC(SRCP)/454 dated 10.04.2021 a thlâk (supersede) ang a, thu leh awm hma chu chhuah a nih atanga thla hnih (2) chhûng a huam ang.