Sawleng khua-in Ramhlun south mipui tan chawhmeh pe

Aizawl | June 12, 2021: Sawleng khawtlang chuan nizan khan Ramhlun South veng mipui-te tan chawhmeh pickup tirp hnih an pe.

Sawleng khua-in Ramhlun South mipui tana chawhmeh an pekte hi thlai thar chi hrang hrang; Antam, Phuihnam, Maian, Tawkte, Chingit, Maipawl leh Sawhthing niin, a vai hian  Pickup trip hnih  zet a ni.

Heng chawhmeh an pek te hi Ramhlun South YMA M-Section Volunteer ten nizan khan an lo dawngsawng a. YMA Hall ah sem mai thei turin an lo peih fel diam a, vawiin khan section hrang hrang Volunteer ten Ramhlun South vengchhung mipui hnen ah an sem darh leh a ni.

Ramhlun South hian June 7 khan Samlukhai Aiawt Chiah Association hnen atangin Chakai leh Saizu thahnem tak an dawng a, chakai leh saizu dawn te hi Containment Area-a chhungkaw tin hnenah sem a ni. 

Ramhlun South LLTF chuan, Hun harsa tak tawh tlan theuh laiin, Mizo nih nawmna an tawn chungchangah, Samlukhai Aiawt Chiah Association leh Sawleng khaw chungah lawmthu an sawi a ni.