Mamit 12th June : Assam leh Mizoram inrina Chuhvel ramchhunga thla hlui May Ni 30 a Pu John Haliday-an a huan rama thlam a sak mek, Assam lam mi uniform ha engemawzatin kalchilha sak chhunzawm tawhlo tura an rawn tih chungchangah Dr. Lalrozama, District Bawrhsap chuan boruak thlithlai-in vawiin khan Chuhvel khua a tlawh. District Bawrhsap hian Ni 31 May khan Chuhvel khua hi a lo tlawh tawh bawk a ni.
District Bawrhsap hi Chuhvel leh Saikhawthlir khawtlang hruaitu V/C leh YMA te'n an lo dawngsawng a, District Bawrhsap hian ram pass-na lehkha hlui awm ang angte lo indap khawm tura hrilhin, Sawrkar lamah hmalak zel a ni dawn a ni a ti. Mipuite chu chi-ai lo turin leh sorkar hmalakna ngaichang thiam turin a ngen bawk.
Chuhvel ram chhunga buaina chungchangah boruak muanawm a awm theih nan IR/MAP Combatant Force engemawzat te chuan a hmunah hian nitin petrolling neiin duty thin a ni a. Hei bakah hian Sawrkar chuan CRPF dah turin hmalakna kalpui mek a ni bawk.
Tunah hian Pu John Haliday huan leh leiletah hian kuhva bakah thlai leh buh a ching tan mek a, tunhma atanga Kolasib hnuaia Minor Irrigation hmalakna lui luanna drainage system pawh hmuh tur a awm bawk a ni.
Nimin khan Hailakandi DC leh SP te'n Hnanglui zauah Pu John Haliday thlam hi an lo tlawh tawh bawk a. Hei vang hian mipui an chi-ai phah thu sawiin Mamit DC chuan Hailakandi DC hi nimin vek khan helai hmun hi Assam Officials te'n rawn tlawh tawh loh tura hrilhin lehkha a thawn a ni.
District Bawrhsap hi Addl. SP Mamit, SDO(C) Kawrthah, DIPRO, Mamit bakah Sub.Hqrs.YMA hruaitute'n an tawiawm a ni.
- DIPR
Post a Comment
He post chungchanga i ngaihdan lo sawi ve rawh: